Уйғур һаҗилар: 'қериндашлар биз үчүн дуа қилиңлар...'

Youtube.com Дин елинған бу сүрәттә, дуа қилиш көрситилгән.

Бу қетимқи һәҗгә уйғур елидинму үч миңға йеқин мусулман әһли һөкүмәт тәшкиллигән һәҗ өмикигә қатишиш арқилиқ һәҗ қилишқа муйәссәр болған болсиму, улар авалқи қетимқи уйғур елидин кәлгәнләрдинму қаттиқ контроллуқ һәм бесим астида ибадәтлирини давам қиливатқан икән.

Дуня уйғур қурултийиниң муавин рәиси сейит төмтүрүк әпәнди, өз һәҗ паалийити давамида бир қанчә уйғурлар билән көрүшүш пурситигә игә болғанлиқини, уйғур һаҗиларниң көзигә яш елип туруп ейтқан "қериндашлар биз үчүн дуа қилиңлар ..." Дегән бир еғиз сөзидинла, уйғурларниң нөвәттики вәзийитиниң интайин еғирлиқини чүшинивалғили болидиғанлиқини ипадилиди.

Юқиридики аваз улинишидин, бу һәқтә сейит төмтүрүк әпәнди билән өткүзгән сөһбитимизниң тәпсилатини аңлайсиләр.