Уйғур анализчилар : хитай компартийисидә арманиға чушлуқ дәрман йоқ

Хитай компартийисиниң - 18 қурултийи бүгүн - 14 ноябир аяғлашти. Қурултай доклатида хитай компартийисиниң икки 100йиллиқ күрәш нишани оттуриға қоюлди, җуңгочә сотсиялизм нәзирийисигә йәнә «сәккиз тәләп» қетилди, хитайниң бу нөвәтлик қурултийида«5 ни бир гәвдиләштүрүш» тәләп қилинди,«өзгиришчан, мулазимәтчан, иҗадчан маркисзмлиқ һакимийәт бешидики партийә қуруш» оттуриға қоюлди мулазимәт бу қетимқи компартийә қурултейидики ачқучлуқ сөз. «Омумйүзлүк һаллиқ җәмийәт қуруп чиқиш үчүн күрәш қилиш» нишани бәлгиләнди.
Мухбиримиз гүлчеһрә
2012-11-14
Елхәт
Пикир
Share
Принт
Хитай компартийисиниң 18-қурултийидин бир көрүнүш
Хитай компартийисиниң 18-қурултийидин бир көрүнүш
AFP


Сотсиялистик кеңәш демократийиси сиясий түзүлмә ислаһатиниң муһим мәзмуни қилип бекитилди. Булар хитай компартийисиниң нәзирийә системисида өзгириш болидиғанлиқиниң ипадисиму ? бу қурултайда мәйданға кәлгән сиясий нәзирийиләрниң илгирики нөвәтлик хитай компартийә қурултайлирида оттуриға қоюлған нәзирийиләр билән ярқин пәрқи барму ? бу нуқтиларда америкидики сиясий анализчилардин илшат һәсән вә мәмәт тохти әпәндиләрниң мулаһизилирини мухбиримиз гүлчеһрә тәйярлиған программидин аңлаң.

Хитай компартийиси маркисизм идийисини өз һакимийитигә маслаштуруш җәрянида «мав зедоң идийиси» билән ислаһат, ечиветиш җәрянида йәнә «җуңгочә сотсиялизм» дин ибарәт икки чоң нәзирийисни хитай компартийисиниң қибилинамиси сүпитидә нәзирийә системисиға киргүзди. Бу нәзирийә системисида хитай компартийиси йәнә, дең шавпиң нәзирийиси, үчкә вәкиллик қилиш идийиси, илмий тәрәққият қаришидин ибарәт нәзирийиләрни йетәкчи идийә қилди.

Партийә - 18 қурултийида «омумйүзлүк һаллиқ җәмийәт қуруп чиқиш үчүн күрәш қилиш» оттуриға қоюлди. Йәни буниңда 2020 - йилиға барғанда шәһәр, йеза аһалисиниң йиллиқ киримини 2012 - йилидикидин бир һәссә юқири көтүрүшни вәдә қилди. Хитай компартийисиниң һәр нөвәтлик һоқуқ алмишишида мәйданға кәлгән бу идийә вә нишанлири һәққидә мулаһизә йүргүзгән америкидики уйғур сиясий анализчи илшат һәсән әпәнди, әмәлийәттә хитайниң һәр нөвәт дәбдәбилик оттуриға чиқарған бу хил нәзирийилиридә маһийәтлик пәрқ йоқлуқини оттуриға қойди.

- 18 Қурултай доклатида йәнә, хитай компартийисиниң икки йүз йиллиқ күрәш нишани оттуриға қоюлди. Униң бири хитай коммунистик партийисиниң қурулғиниға 100йил болғанда омумйүзлүк һаллиқ җәмийәт қуруп чиқиш, йәнә бири йеңи җуңго қурулғиниға 100йил болғанда қудрәтлик, баяшат, демократик, мәдәний, инақ сотсиялистик заманивилашқан дөләт қуруп чиқиш дәп көрситилди. Илшат һәсән әпәнди хитайниң риаллиқи вә хитай компартийисиниң аҗизлиқлири хитайниң бу икки йүз йиллиқ нишанлириға йетишигә йол қоймайду дәп көрситип «әгәр хитай түптин сиясий ислаһат елип бармиғанда бу нишанлири пәқәт хам хиял халас, әпсус бу қурултайдиму хитайда бир ислаһат болушидин бишарәт көрмидим» деди.

Хитайниң һәр 10 йилда ечилидиған компартийә қурултийи хитай партийә ичи рәһбәрлик қатлимидики өзгиришиниң мәйдани, хитай компартийиси сиясий бюруниң бу нөвәтлик даимий һәйәт әзаси ши җинпиң хитай компартийиси баш секретари ху җинтавниң һоқуқини өткүзүвелиш алдида, уйғур анализчилардин америкидики мәмәт тохти әпәнди, дуня ахбаратлирида мулаһизә қилиниватқандәк, бу нөвәтлик хитай компартийә қурултийиниң йәнила илгирики нөвәтлик хитай рәһбәрлири бәлгиләп бәргән йолда кетип барғанлиқини тәкитләп, ши җинпиңниң йеңи бир нөвәтлик хитай рәһбәрлик орниға чиқиши пәқәт«компартийә рәһбәрлик тизимликидикила өзгириш болуп қелиши мумкин, башқа чоң үмид көрмидим» дәп анализ қилди.

Ху җинтав - 18 қурултайда қилған доклатида «асасий қатлам партийә қурулуши хизмитидә йеңилиқ яритип, партийиниң һакимийәт йүргүзүш тәшкили асасини пухтилаш керәк» дәп алаһидә тәкитлигән иди, мәмәт тохти әпәндиниң қаришичә, хитай компартийисиниң әң аҗиз нуқтиси дәл асасий қатлам.

Пикирләр (1)
Share

erkuyghur

Дин paris

Нимә дигән йүзәки сиясий мулаһизәләр бу ?йигирмә милюн уйғурдин душминини обданрақ чүшинидиған сиясий анализчи қачанму мәйданға киләр?

Nov 16, 2012 03:08 PM

Толуқ бәт