Хитайниң истанбулдики консулханиси уйғур оқуғучиларға пул тарқатти

Хитайниң истанбулда турушлуқ консулханисиниң уюштуруши билән истанбулдики түркийә боғазичи университети куңзи институтида “шинҗаңни сөйүш оқуш ярдәм пули” тарқитиш мурасими өткүзүлди.
Ихтиярий мухбиримиз арслан
2011.12.13
istanbuldiki-oqughuchilar-mukapat-305.jpg “шинҗаңни сөйүш оқуш ярдәм пули” ни қобул қилған оқуғучилар хитайниң истанбулдики баш консули билән. 2011-Йили 8-декабир, истанбул.
RFA/Arslan

2011‏-Йили 12‏-айниң 8‏-күни өткүзүлгән бу мурасимға истанбулниң һәр қайси университетлирида оқуватқан уйғур оқуғучилардин 42 оқуғучи қатнашқан. Мурасимға хитайниң истанбулда турушлуқ баш консули җаң чиңяң қатнишип, “шинҗаңни сөйүш уқуш ярдәм мукапати” ға еришкән оқуғучиларға пул тарқатқан. Уйғур оқуғучилардин, турғун яри, ели әкбәр әркин, мәһбубә езиз, мәвлидә, сүбһи, һәсәнҗан, миһраҗиддин қатарлиқ җәмий 42 нәпәр уйғур оқуғучиниң һәр бири 1000 америка доллири ярдәм пули алған.

istanbuldiki-oqughuchilar-mukapat2-385.jpg
“шинҗаңни сөйүш оқуш ярдәм пули” ни қобул қилған оқуғучилар хитайниң истанбулдики баш консули билән. 2011-Йили 8-декабир, истанбул.
RFA/Arslan

Хитайниң истанбулда турушлуқ баш консули җаң чиңяң йиғинға қатнашти һәм нәхқ мәйданда оқуғучилар билән сөһбәт өткүзди вә уларниң турмуш, өгиниш қатарлиқ һәрқайси җәһәтләрдә уларға ярдәм беришни халайдиғанлиқини билдүргән вә уйғур оқуғучиларни хитайниң истанбулдики баш консулханиға келип меһман болуп кетишкә тәклип қилған.

 Хитайниң түркийидә турушлуқ әлчиханиси вә консулханиси йеқиндин буян түркийидә яшайдиған уйғурларни өзигә тартиш, йеқинлишиш мәқситидә һәр хил усулларни қоллинип кәлмәктә. Өткән йили хитайниң истанбулда турушлуқ консулханисиниң йолйоруқи вә қоллиши билән истанбулда сабир буғда башчилиқида уйғур содигәрләр җәмийити қурулған иди. Хитай йәнә түркийиниң һәр қайси шәһәрлиридә яшаватқан уйғурлардин бир қисим уйғур қазақларни “аталмиш муһаҗирлар өмики” нам астида гуруппа тәшкилләп уйғур диярини зиярәт қилдурғандин сирт хитайниң ичкири өлкилириниму саяһәт қилдуруп, уларниң саяһәт тәсиратлирини синалғуға алғандин кейин түркийигә әкелип қойди.

Хитай әмди түркийидә оқуватқан уйғур оқуғучиларни өзигә тартиш үчүн оқуғучиларға һәр хил нам астида пул тарқатмақта.

Хитайниң уйғур оқуғучиларға пул тарқитиштики мәқсити немә? уйғур оқуғучиларниң хитай консулханисидин оқуш ярдәм пули елип оқуши тоғриму? бу соалларниң җавабиға еришиш үчүн дуня уйғур қурултийиниң муавин рәиси сийит тумтүрк. Шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан вә истратегийә мутәхәссиси доктор әркин әкрәмниң пикир-қарашлирини алдуқ. Доктор әркин әкрәм. Хитай консулханисиниң уйғур оқуғучиларға пул тарқитиштики асаси мәқситиниң уйғур оқуғучиларни өзигә тартиш вә оқуғучиларниң түркийидики уйғур тәшкилатларға әгишип кетишниң алдини елиш үчүн шундақ қиливатқанлиқини билдүрди.

Биз йәнә техиму көп мәлуматқа еришиш үчүн хитай консулханисидин оқуш ярдәм пули алған бир қисим уйғур оқуғучилар билән телефон зиярити елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Пикир

Anonymous
Dec 14, 2011 04:02 AM

Пул дисә ликин анисини ситивитидиған уйғурлирмиз бар җуму!