Dölet bixeterlik saqchisi bilen söhbet

Süret, xitayning melum saqchi qisimliridin körünüsh.

Xalmurat muxbirimizning téléfonigha jawab bergende weqe heqqide éniq melumat bermigen bolsimu, nöwettiki dölet bixeterlik saqchilirining xizmet istili heqqide belgilik yip uchilirini berdi.

Biz ghulja shehirining tashköwrük yézisida yüz bergen chay oynighan 30 neper ayalning tutqun qilin'ghanliq weqesi heqqide ghulja sheherlik ayallar birleshmisi, wilayetlik teshwiqat idarisi qatarliq orunlargha téléfon qilghinimizda, so'allirimiz jawabsiz qaldi.

Biz bügün ghulja sheher tashköwrük yéziliq saqchi ponkitining siyasiy komissari ilzatqa téléfon qilip melumatlargha érishtuq. Biz yene, ghulja sheherlik saqchi idarisi dölet bixeterlik etritining bashliqi xalmuratqa téléfon qilduq.

Dölet bixeterlik saqchisi xalmurat aldi bilen ashkara halda yalghan sözlidi, bizge melumat bérish emes, bizdin melumat élishqa, yeni adem tutqun qilish üchün yene yip uchi igileshke tirishti. U qayta körüshüsh wedisidimu turmidi. Mana bu , nöwette Uyghur rayonida adem tutqun qiliwatqan xitay dölet bixeterlik xadimlirining xizmet istilidur.

Weqe ötken hepte radi'omiz teripidin in'gilizche xewer qilinip, xelq'ara jama'etke yetküzüldi. Xelq'ara jama'et weqede jazalan'ghanlarning nöwettiki ehwalini diqqet bilen közetmekte.

Yuqiridiki awaz ulinishidin, bu heqtiki melumatimizning tepsilatini anglaysiler.