Хитай, уйғур елида милләтләр иттипақлиқини ишқа ашураламду?

Уйғур аптоном районидики компартийиниң иттипақ комитети, рози һейт вә хитайниң тавуз чағини һарписида пүтүн уйғур или миқясида, "меһир муһәббәтни әмәлийәткә сиңдүрүш паалийити" дегәнгә охшаш намларда түрлүк паалийәтләрни уюштуруп, милләтләр иттипақлиқини күчәйтидиғанлиқини оттуриға қоймақта.
Мухбиримиз әқидә
2010-09-07
Елхәт
Пикир
Share
Принт
Сүрәт, хитай уйуштурған "мән сизниң өйиңизгә берип саңза йәй , сиз мениң өйүмгә келип ай тоқичи йәң" темисидики "иттипақлиқ" паалийәтлиридин бир көрүнүш.
Сүрәт, хитай уйуштурған "мән сизниң өйиңизгә берип саңза йәй , сиз мениң өйүмгә келип ай тоқичи йәң" темисидики "иттипақлиқ" паалийәтлиридин бир көрүнүш.
www.xjtsnews.com Дин елинди.

Бирақ чәтәлләрдики уйғурлар хитайниң бу хил вастилириниң буниңдин кейин икки милләт оттурисидики зиддийәтни һәргизму яхшиялмайдиғанлиқини билдүрмәктә.

Уйғур елида милләтләр иттипақлиқидин сөз ечиш әсла мумкин болмиған бу пәйтләрдә, хитай ахбарат вастилиридин тәңритағ уйғур торида, хитайниң уйғур аптоном районидики иттипақ комитети, пүтүн район миқясида "Мән сизниң өйиңизгә берип саңза йәй, сиз мениң өйүмгә келип ай тоқичи йәң" дегән Темида, меһир - муһәббәтни әмәлийәткә сиңдүрүш паалийити уюштурғанлиқи елан қилинди.

Хәвәрдә хитайниң һәр дәриҗилик иттипақ тәшкилатлири вә пионерлар тәшкилатлиридики өсмүрләрниң паалийәткә қатнишип, бир - бириниң өйигә меһман болушуп, һәр милләт хәлқиниң өзгичә әнәниви йемәкликини тетип көрүш билән биргә, шинҗаңдики һәр милләт хәлқиниң өзгичә әнәниви мәдәнийити билән тонушқанлиқи, бу паалийәт арқилиқ өсмүрләр арисидики милләтләр иттипақлиқи һессияти техиму күчәйтилгәнлики тәкитләнгән.

Хәвәрдә иттипақ комитети уюштурған бу паалийәткә һәр дәриҗилик иттипақ тәшкилатлири вә өсмүр балилар қатнашқанлиқи қәйт қилинған болуп, балиларниң өз ихтиярийлиқи билән әмәс, тәшкили йосунда мәҗбурий елип берилғанлиқи мәлум болмақта.

Болупму, 5 - июл үрүмчи вәқәси йүз бәргәндин кейин, радиомиз қолға чүшүргән вә уйғур илидин чәтәлләргә туғқан йоқлаш үчүн кәлгән кишиләр тәминлигән пакитлиқ материялларға асасланғанда, нөвәттә уйғур илида уйғурлар билән хитайлар арисида тәсәввур қилиш интайин қейин болған зиддийәтниң мәвҗут икәнлики билдүрүлмәктә.

Ундақта немә үчүн хитай даирилири һейт, байрам мунасивәтлиридин пайдилинип өзиниң иттипақлиқ тәшвиқатлирини күчәйтишкә уруниду шуниңдәк яш - өсмүрләрни бу хил сиясий паалийәтлиригә қатнишишқа мәҗбурлайду ?

Америкидики кишилик һоқуқ паалийәтчиси турди ғоҗа әпәнди, хитайниң һазирқи пәйттә, болупму яш - өсмүрләргә милләтләр иттипақлиқини күчәйтиш тәрбийиси елип бериштики мәқсити тоғрисида мулаһизә йүргүзди.

Хитай уйғур илида милләтләр иттипақлиқини қолға кәлтүрүш үчүн қандақ қилиши керәк? қандақ сиясәтләрни қолланғанда уйғурлар билән хитайлар оттурисидики миллий зиддийәткә хатимә бәргили болиду.

Бу мәсилиләр һәққидә тохталған америка уйғур кишилик һоқуқ программисиниң директори алим сейитоф әпәнди, милләтләр иттипақлиқини қолға кәлтүрүшниң муһим шәртлириниң милләтләр һоқуқиниң тәң вә баравәр болуш икәнликини оттуриға қойди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт