Obama bilen xujintawning téléfon söhbitini néme üchün xitayning xelq géziti bashqiche xewer qilidu?

Obama bilen xujintaw tünügün kéchide téléfon arqiliq sözleshti. Amérika uchur wasitiliri iranning yadro qoralliri mesilisi bu söhbetning muhim nuqtisi boldi, dése, xitay uchur wasitiliri obama 'bir xitay siyasiti'ni omumyüzlük étirap qildi, dep xewer qiliwatidu.
Muxbirimiz weli
2010-04-02
Share
Obama-Xu-jintaw-sohbetter-305.jpg Süret, 16 - noyabir küni, prézidént obama bilen xitay prézidénti xu jintawning söhbetliridin bir körünüsh.
AFP Photo

Birleshme agéntliqining mariland shitatidiki andiru hawa armiye bazisidin xewer qilishiche, prézidént obama tünügün kéchide bostun shehiridin qaytish yolida, amérika hawa armiyisining 1 - nomurluq ayropilanda turup, yene ikki heptidin kéyin washin'gtonda ötküzülidighan yadro qorallirining bixeterliki heqqidiki aliy derijilik uchrishishqa kélidighan xitay re'isi xujintaw bilen téléfon arqiliq sözleshti. Ularning téléfon söhbiti bir sa'etke yéqin dawamlashti.

Bu söhbet obamaning ayropilani andru hawa armiye bazisigha qonup toxtighandin kéyin 15 minut ötkende ayaghlashti. Bu söhbet muxbirlardin xali boldi. Aqsaray bu söhbetning mezmunini téxiche ashkarilimidi.

Xuffin'gton post: obama bilen xujintaw iranning yadro qoralliri mesilisi heqqide sözleshti

Xuffin'gton post gézitining yazghuchisi ji'uliy rays tünügün kéche sa'et 12 din 50 minut ötkende bu weqeni xewer qilip, prézidént obama xujintaw bilen yadro qorallirining bixeterliki heqqide washin'gtonda ötküzülidighan aliy derijilik uchrishishta otturigha qoyulidighan iranning yadro qoralliri mesilisi heqqide sözleshti, dep bayan qilghan.

Hindistan xelq'ara radi'osi: oba bilen xujintaw téléfon arqiliq iranning yadro qoralliri mesiliside sözleshti

Hindistan xelq'ara radi'osi bu weqeni xewer qilghanda 'obama bilen xujintaw téléfon arqiliq iranning yadro qoralliri mesiliside sözleshti' dep bayan qilghan.

Fransiye agéntliqi: obama xujintawning yadro qorallirining bixeterlik heqqidiki aliy derijilik uchrishishqa qatnishishini qobul qilidighanliqini bildürdi

Fransiye agéntliqining bayan qilishiche, obama bilen xujintaw téléfon arqiliq sözleshkende, obama xu jintawning yadro qorallirining bixeterliki heqqidiki aliy derijilik uchrishishqa qatnishishini qobul qilidighanliqini bildürgen, xu jintaw buninggha intayin xoshal bolghanliqini ipadiligen.

Obama bilen xujintaw bu qétimqi téléfon söhbitide, amérika xitay otturisidiki soda jéngi, térrorchiliqqa qarshi turush qatarliqlarni öz ichige alghan köp mesililerni sözleshken.

Roytrs agéntliqi: iran mesiliside xu jintaw tébet, teywen mesilisini shert qildi

Roytrs agéntliqining bayan qilishiche, obama bilen xu jintaw téléfon arqiliq sözleshkende, obama iran mesilisini otturigha qoyghanda, xu jintaw tébet we teywen mesilisini shert qilip otturigha qoyghan.

B b s: aqsaray, amérika - xitay hemkarliqida iranning xelq'araliq mejburiyitige kapaletlik qilish muhim nuqta, dep körsetti

B b s ning bayan qilishiche, obama bilen xu jintaw tünügün kéchide iran mesilisi bilen 20 dölet guruhining iqtisadning dawamliq tereqqi qaldurulushini tengshesh heqqide bergen wedisini emelge ashurush heqqide sözleshkende, xu jintaw obamagha teywen we tibet mesilisi xitay menpe'etining yadrosi, dep tekitligen.

Aqsaray bu weqe heqqide izahat bergende, amérika -xitay hemkarliqida iranning xelq'araliq mejburiyitige kapaletlik qilish muhim nuqta, dep körsetken.

Shinxu'a agéntliqi: xu jintaw bilen obama ikki dölet birdek köngül bölidighan xelq'ara we rayon xaraktérlik mesililerni sözleshti

Emma bügün xitayning xelq géziti we shinxu'a agéntliqining bu heqte élan qilghan xewerlirining bayani yuqiriqilargha tamamen oxshimaydu.

Shinxu'a agéntliqi bügün bayan qilishiche, xu jintaw obama bilen téléfon arqiliq ikki dölet birdek köngül bölidighan xelq'ara we rayon xaraktérlik mesililerde sözleshken. Xu jintaw obamagha 'xitay - amérika munasiwiti dunya buyiche eng muhim munasiwet, xitay yadro qorallirining bixeterliki we tarqilip ketmeslikige intayin ehmiyet béridu, dep körsetken.

Xelq géziti: amérika 'bir xitay' siyasitini omumyüzlük ijra qilish lazimliqini étirap qildi

Xelq gézitining bayan qilishiche, xu jintaw bilen obama téléfon arqiliq sözleshkende, 21‏ - esirdiki xitay bilen amérikining aktip munasiwiti heqqide pikir birliki hasil bolghan. Xu jintaw obamagha, teywen we tibetke da'ir mesililer xitayning igilik hoquqi we térritoriye pütünlükidiki yadroluq menpe'eti, buni yaxshi hel qilghanda, andin xitay - amérika munasiwiti saghlam tereqqi qilidu, dep körsetken.

Xu jintaw bilen obamaning téléfon söhbiti arqiliq, amérika 'bir xitay' siyasitini omumyüzlük ijra qilish lazimliqini étirap qilghan.

Bügün xitayning her qaysi jaylirida xelq géziti we shinxu'a agéntliqining mushu xewerlirila köchürüp bésildi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet