'خىتاينىڭ رابىيە خانىمغا قارشى ھۇجۇملىرى ئۈزلۈكسىز مەغلۇپ بولماقتا'

10 - ئاينىڭ 14 - كۈنىدىن 19 - كۈنىگىچە گېرمانىيىنىڭ فرانكىفۇرت شەھرىدە ئۆتكۈزىلىدىغان خەلقئارالىق كىتاب يەرمەنكىسىگە د ئۇ ق رەئىسى رابىيە قادىر خانىممۇ تەكلىپ قىلىنغان.
ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻡ
2009.09.24
Rabiye-xanim-yawropa-Libo-Roucek-ependi-305.jpg ﺳﯜﺭﻩﺗﺘﻪ، ﺭﺍﺑﯩﻴﻪ ﺧﺎﻧﯩﻢ ﯞﻩ ﺩ ﺋﯘ ﻕ ﺭﻩﻫﺒﻪﺭﻟﯩﺮﻯ ﻳﺎﯞﺭﯗﭘﺎ ﭘﺎﺭﻻﻣﯧﻨﺘﯩﻨﯩﯔ ﻣﯘﯞﺍﺋﯩﻦ ﺭﻩﺳﻰ ﻟﯩﺒﻮﺭ ﺭﻭﺋﯘﺟﻪﻙ ﺑﯩﻠﻪﻥ ﺑﯩﺮﮔﻪ.
RFA Photo / Ekrem

بۇ مۇناسىۋەت بىلىەن، خىتاي مەتبۇئاتلىرى ئالدىنقى كۈنلىرى ماقالىلار ئېلان قىلىپ، گېرمانىيە ھۆكۈمىتىدىن رابىيە خانىمنىڭ بۇ يەرمەنكىگە قاتناشتۇرۇلماسلىقىنى تەلەپ قىلغان ۋە ئەكسىچە بولغاندا، ئىككى دۆلەت ئوتتۇرىسىدىكى مۇناسىۋەتكە تەسىر يېتىدىغانلىقىنى ئەسكەرتىپ، گېرمانىيە تەرەپكە بېسىم ئىشلىتىشكە ئۇرۇنغان.

د ئۇ ق مۇئاۋىن رەئىسى ئەسقەرجان ئەپەندىنىڭ بىلدۈرۈشىچە، بۇ قېتىمقى يەرمەنكىدە خىتاي تەرەپ شەرەپ مېھمىنى سالاھىيىتى بىلەن قاتنىشىدىغان بولۇپ، ھەر يىلى بىرلا دۆلەتكە بېرىلىدىغان بۇ ئىمتىيازغا ئېرىشكەن خىتاي ھۆكۈمىتى ئۆز ھوقۇقىدىن پايدىلىنىپ، رابىيە قادىر خانىمنىڭ پائالىيەتلىرىنى چەكلەش ئۈچۈن قولىدىن كېلىدىغانلىكى ۋاسىتىلەرنى ئىشقا سېلىشقا باشلىغان.

ئەسقەرجان ئەپەندى، خىتاي تەرەپنىڭ رابىيە خانىمنىڭ بۇ قېتىمقى يەرمەنكىگە قاتنىشىشىنى چەكلىيەلمەيدىغانلىقىنى، رابىيە خانىمنىڭ بۇ يەردىكى پائالىيەتلىرىنىڭ يالغۇز يەرمەنكىگە قاتنىشىش بىلەنلا تۈگىمەيدىغانلىقىنى ۋە بەزى مۇھىم سىياسىي پائالىيەتلەر بىلەنمۇ شۇغۇللىنىدىغانلىقىنى تەكىتلىدى.

ئەسقەرجان ئەپەندى يەنە، بىر قانچە يىللاردىن بۇيان خىتاي ھۆكۈمىتىنىڭ بارلىق چارە - ئاماللار بىلەن رابىيە خانىمنىڭ پائالىيەتلىرىنى چەكلەشكە ئۇرۇنۇپ كەلگەن بولسىمۇ، ئاخىرقى ھېسابتا پ مەغلۇپ بولغانلىقىنى تىلغا ئېلىپ، ئاخىرقى بىر نەچچە ئاي ئىچىدە يۈز بەرگەن ۋەقەلەرنى ئەسلىتىپ ئۆتتى.

ئۇ يەنە، خەلقئارالىق بىر مەسىلە ھالىغا كېلىپ بولغان ئۇيغۇرلار مەسىلىسىنى چەكلەشكە ئەمدى خىتاينىڭ قۇربىتى يەتمەيدىغانلىقىنى، غەرب دېموكراتىك ئەللىرىنىڭ ئۇيغۇرلارنىڭ دەۋاسىنى قوللاۋاتقانلىقى ۋە قوغداۋاتقانلىقىنى تەكىتلىدى.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.