Қаратағиздин кәлгән деһқанлар юртиға қайтти

Бир һәптидин бери бейҗиңда дава ишлири билән болуватқан хотәнлик деһқанлар бүгүн юртиға қайтиш үчүн йолға чиқти. Улар һазирға қәдәр дөләтлик әрзийәт идариси, миллий ишлар комитети вә дивизийә башқуруш орни қатарлиқ 3 орундин хәт алған.
Мухбиримиз шөһрәт һошур
2010.11.12
Uyghur-dixanliri-tyenenmende-tosowelinghan-xoten-dixanliri-1-305 Сүрәт, хотәнниң гума наһийиси қаратағиз йезисидин бейҗиңға кәлгән бир топ деһқанлар, шәнбә күни наразилиқ намайиши өткүзүш үчүн тйәнәнмен мәйданиға беришниң алдида, бошүн мухбириниң зийаритини қобул қилғанда сүрәт чүшүватқан көрүнүш.
http://peacehall.com Дин елинди.

Әмма, хәттә конкрет немиләр дейилгәнлики мәлум әмәс. 14 ‏- Дивизийидин кәлгән сақчи вә кадирлар уларға юртиға барғанда мәсилисини һәл қилип беридиғанлиқи һәққидә вәдә бәргән.
 
Булар һазир юрти қаратағизға берип, қоллиридики хәтниң күчини вә даириләрниң өзлиригә бәргән вәдисини синап бақмақчи. Әгәр йәнә мәсилиси һәл болмиса әрзини қайтидин башлимақчи.

Әрздарлардин 2 нәпири 2 күнниң алдида йолға чиққан болуп, улар һазир хотәнгә берип болған. Әрздарларниң ичидики йәнә бәзи әрздарлар мәсилиниң бу йил һәл болидиғанлиқидин үмидсиз, әмма бу тиришчанлиқиниң келәр йили нәтиҗә беридиғанлиқиға үмид билән қаримақта.

Хотәнлик әрздарларниң бу қетимқи бейҗиң сәпири қаратағиз йезисидики деһқанлар вә үрүмчидики бир қисим уйғур тиҗарәтчиләрниң һимайисигә еришкән. Улар пойиз истансисида биңтүән сақчилири тәрипидин тосувелинғанда, үрүмчидики уйғур тиҗарәтчиләр уларға ярдәм қилған.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.