سەنلۇ بوۋاقلار سۈت پاراشوكىنى ئىستىمال قىلىپ ئۈچ ئايدىن كېيىن ...

ئۇيغۇر ئاپتونوم رايونلۇق مېدىتسىنا ئۇنۋېرسىتىتى قارمىقىدىكى بىرىنچى دوختۇرخانىسى بالىلار بۆلۈمىدىن ئىگىلىشىمىزگە قارىغاندا، مەزكۇر دوختۇرخانىدا سەنلۇ ماركىلىق بوۋاقلار سۈت پاراشوكى ئىستىمال قىلغانلىقى سەۋەبلىك بۆرەك ھەم سۈيدۈك يولى سىستېمىسىدا تاش پەيدا بولۇپ، ئوپىراتسىيە قىلىپ ساقايتىلغان بوۋاقلار 21 نەپەرگە يەتكەن.
ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩ
2008-12-03
Share
bowaq-sut-imish-305.jpg ﺧﯩﺘﺎﻳﺪﯨﻜﻰ ﻣﻪﻟﯘﻡ ﺩﻭﺧﺘﯘﺭﺧﺎﻧﯩﺪﺍ ﺩﺍﯞﺍﻟﯩﻨﯩﯟﺍﺗﻘﺎﻥ ﺑﻮﯞﺍﻕ.
AFP Photo

شۇنداقلا، ھازىرمۇ بالىلار بۆلىمى بالنىستىدا، مۇشۇنىڭغا ئوخشاش سۈت پاراشوكىدىن زەھەرلىنىپ كېسەل بولغان 30 چە بالا داۋالانماقتا ئىكەن. بۇلارنىڭ ئىچىدە ئارانلا كۆرۈنۈپ تۇرىدىغان نازۇك مېڭە تومۇرىغا ئاسما ئوكۇل يىڭنىسى كىرگۈزۈلگەن، ئۈچ ھەپتە ئىلگىرى ئوپېراتسىيە قىلىنغان بولسىمۇ تېخى ساقىيىپ كېتەلمەي داۋاملىق داۋالىنىۋاتقان، توختىماي يىغلاپ ئاۋازلىرىمۇ ئاجىزلاشقان مۇجاھىت ئىسىملىك تېخى توققۇز ئايلىقمۇ بولمىغان بىر بوۋاق بار.

بۇ بوۋاق ئۇيغۇر ئېلىدىلا ئەمەس بەلكى پۈتۈن خىتاي بويىچىمۇ سەنلۇ بوۋاقلار سۈت پاراشوكىنىڭ زەھەرلىشىگە ئۇچراپ بۆرىكىدە تاش پەيدا بولغان ھەمدە بۆرەك تاش چۈشۈرۈش ئوپېراتسىيەسى قىلىنغان بالىلار ئىچىدە ئەڭ كىچىكى ھېسابلىنىدۇ.

يۇقىرىدىكى ئاۋاز ئۇلىنىشىدىن، بۇ بوۋاقنىڭ ھازىرقى سالامەتلىك ئەھۋالى توغرىسىدا مۇخبىرىمىز گۈلچېھرەنىڭ دوختۇرخانىدىن ئىگىلىگەن تەپسىلى مەلۇماتىنى ئاڭلايسىز.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت