Rabiye qadir xanim shiwitsaryining jenwe shehiride pa'aliyet élip bardi

Rabiye qadir xanim hemraliri bilen bügün, shiwitsariyining zürix shehiridin yolgha chiqip, jenwede bir kün pa'aliyet élip bérip, muhim uchrushush we söhbetlerde bolghandin bashqa, dunya Uyghur qurultiyining birleshken döletler teshkilatida turushluq mexsus xadimi ketiy poliyas xanim bilen körüshken.
Muxbirimiz eqide
2010.11.26
Share on WhatsApp
Share on WhatsApp
rabiye-switsariye-305.jpg Rabiye xanim shwétsariyidiki bir paaliyette
RFA
Dunya Uyghur qurultiyining bash katipi dolqun eysa ependi, radi'omizning ziyaritini qobul qilip, rabiye qadir xanimning jenwediki ziyari'itining meqsiti heqqide toxtaldi.

Bash katip dolqun eysa ependining bildürüshiche, rabiye qadir xanim bashchiliqidiki hey'et, jenwedin yene zürixke qarap yolgha chiqqan bolup, ular zürix shehiride orunlashturulghan yighin'gha qatnishidiken. Sherqiy türkistan shiwitsariye jem'iyitining re'isi endili ependi, zürixte ötküzülidighan yéghin heqqide melumat berdi.

Endili ependi yene, rabiye qadir xanimning shiwitsariyining herqaysi sheherliride we kishilik hoquq teshkilatlirida sözligen nutuqlirining asasliq mezmunlirini tonushturdi.

Rabiye qadir xanim, shiwitsariyidiki ziyaritini axirlashturghandin kéyin ispaniyige bérip, ispaniye tibet dostluq teshkilati qatarliq ispaniyidiki bir qanche kishilik hoquq teshkilatlirining mexsus orunlashturushi we teklibige bina'en ötküzülidighan, xitayda xitay bolmighan milletlerning kishilik hoquq mesilisige a'it yighinida we muxbirlarni kütiwilish murasimlirida Uyghurlarning siyasiy weziyiti bolupmu 5 ‏- iyul ürümchi weqesidin kéyinki Uyghurlarning ehwali toghrisida doklat béridiken. Ispaniyide yene rabiye qadir xanimning hayati teswirlen'gen " muhebbetning 10 sherti " namliq höjjetlik filim qoyulidiken.

Söyümlük radi'o anglighuchilar, biz rabiye qadir xanimning ispaniyide élip baridighan ziyaretliri heqqide silerge ilgirilep toluq melumat bérishke tirishimiz .
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.