Далай лама алаһидә әлчи добрианискй билән мичиган университетида учрашти

Һазир америкида зиярәттә болуватқан тибәтләрниң роһаний даһийси далай лама, тибәттә йүз бәргән хитай һөкүмитигә қарши намайишлар вә тибәтләр билән һөкүмәт арисидики тоқунушларни һәл қилиш ишлирида тибәт хәлқиниң америка һөкүмитиниң арилишишиға моһтаҗ икәнликини билдүргән.
Мухбиримиз җүмә хәвири
2008.04.21

 Бирләшмә агентлиқида хәвәр қилинишичә, далай лама америка һөкүмитиниң тибәт мәсилисидики алаһидә әлчиси вә муавин ташқи ишлар министири паула добрианискй билән мичиган университетида көрүшкәндә " биз силәрниң ярдимиңларға моһтаҗ" дегән.

Добрианискй, мәзкур учришишниң тибәт мәсилиси сөһбитини муһим пурсәт билән тәминләйдиғанлиқини билдүргән һәмдә америка һөкүмитиниң тибәтниң йеқинқи вәзийитигә көңүл болуп келиватқанлиқини , болупму президент бушниң хитай һөкүмитиниң бу мәсилиләр үстидә далай лама билән сөһбәт өткүзүши керәкликини изчил қоллап келиватқанлиқини билдүргән.

Далай лама йәкшәнбә күни мичган университетида нутуқ сөзлигән һәмдә паула добрианискй билән йепиқ һаләттә сөһбәт елип барған.

Далай лама мушу сәйшәнбә күни нюйорк шәһиригә келип һамилтонға җайлашқан колгәйт университетида нутуқ сөзләйду вә пәйшәнбә күни һиндистандики тибәтләрниң сүргүндики һөкүмити җайлашқан дарамсалаға қайтиду.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.