Абдулла гүл университетида уйғур мәсилиси бойичә муһакимә йиғини ечилди

Истанбулдин ихтиярий мухбиримиз арслан тәйярлиди
2024.04.30
abdullagul-universititi-01 26-Апрел күни мәркизи қәйсәри шәһиригә җайлашқан абдулла гүл университетида өткүзүлгән “шәрқий түркистан чүшәнчиси” дегән намдики йиғин көрүнүши. 2024-Йили 26-апрел, қәйсәри
Әркин асия радийоси: арслан

26-Апрел күни мәркизи қәйсәри шәһиригә җайлашқан абдулла гүл университетиниң ислам мәдәнийәт кулуби вә иддиа кампи чүшәнчә вә муназирә (İdea Campı Fikir ve Münazara) ve (İslam Kültür Kulübü) қатарлиқ икки уюшминиң бирликтә уюштуруши билән “шәрқий түркистан чүшәнчиси” дегән намда йиғин өткүзүлди.

Бу йиғинға мәркизи истанбулдики шәрқий түркистан кишилик һоқуқ көзитиш җәмийити баш катипи абдуләһәд удун, әнқәрә университети оқутқучиси пирофессор доктор әркин әмәт, иддиа кампи чүшәнчә вә муназирә кулубиниң рәиси әбрар таштан, ислам мәдәнийәт кулубиниң рәиси мустафа әмәк әпәндиләр қатнишип сөз қилип, уйғурларниң өтмүш тарихи вә нөвәттики вәзийити, кишилик һоқуқтики дәпсәндичиликләр, бесим вә ирқий қирғинчилиқ мәсилилирини баян қилди.

26-Апрел күни мәркизи қәйсәри шәһиригә җайлашқан абдулла гүл университетида өткүзүлгән “шәрқий түркистан чүшәнчиси” дегән намдики йиғин көрүнүши. 2024-Йили 26-апрел, қәйсәри
26-Апрел күни мәркизи қәйсәри шәһиригә җайлашқан абдулла гүл университетида өткүзүлгән “шәрқий түркистан чүшәнчиси” дегән намдики йиғин көрүнүши. 2024-Йили 26-апрел, қәйсәри
Әркин асия радийоси: арслан

Йиғинда сөз қилған ислам мәдәнийити кулубиниң рәиси мустафа әмәк әпәнди уйғур дияриниң әһмийити тоғрисида тохтилип мундақ деди: “йипәк йолиниң қәлбигә җайлашқан шәрқий түркистанниң мунбәт земини түрк күлтүри, тили вә мәдәнийитиниң һәшәмәтлик мәркизи шундақла тиҗарәт, билим вә сәнәтниң муһим мәркизи болуп кәлгәниди. Көк түркләрдин уйғурларғичә, қараханийлардин чиңгизхан һөкүмранлиқиғичә болған арилиқта бу җуғрапийәлик районлар түрк тарихиниң алтун дәври болуп кәлгәниди. Әмма түркистан тарихи йүз бәргән қийин муҗадилә вә явниң ишғалийәт һуҗумлириға қарши қәһриманларчә күрәш қилиш билән толғандур. Хитай һөкүмитиниң шәрқий түркистанға қарита зораван сиясити вә ассимилятсийә һәрикити түрк миллитиниң йүрикидә чоңқур бир яра пәйда қилмақта” .

Йиғинда, һөр шәрқий түркистанлиқлар җәмийити рәиси сәдуллаһ доғутүрк әпәнди “уйғурларниң түркийәгә көчүп йәрлишиш җәряни” дегән темида сөз қилди.

26-Апрел күни мәркизи қәйсәри шәһиригә җайлашқан абдулла гүл университетида өткүзүлгән “шәрқий түркистан чүшәнчиси” дегән намдики йиғин көрүнүши. 2024-Йили 26-апрел, қәйсәри
26-Апрел күни мәркизи қәйсәри шәһиригә җайлашқан абдулла гүл университетида өткүзүлгән “шәрқий түркистан чүшәнчиси” дегән намдики йиғин көрүнүши. 2024-Йили 26-апрел, қәйсәри
Әркин асия радийоси: арслан

Йиғинға абдулла гүл университети оқутқучи вә оқуғучилиридин болуп 200 әтрапида киши қатнашқан болуп, йиғинниң соал-җаваб қисмида, уйғурлар мәсилисигә қарита хәлқара җамаәтниң роли вә инкаси, бу мәсилигә қарита һәрикәткә өтүш үчүн бесилиши керәк болған қәдәм вә басқучлар тоғрисида музакирә елип берилди.

 Шәрқий түркистан кишилик һоқуқ көзитиш җәмийити баш катипи абдуләһәд удун зияритимизни қобул қилип, йиғинниң әһмийити тоғрисида тохтилип, бу хил йиғин вә паалийәтләрниң уйғурлар мәсилисини түркийәдә күнтәртипкә кәлтүрүштә муһим әһмийәткә игә икәнликини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.