ئۈرۈمچىدىكى ئوت ئاپىتىدە قازا قىلغان قەمەرنىساخان ئابدۇراھمان ئائىلىسنىڭ پاجىئەسى

مۇخبىرىمىز نۇرئىمان
2022.11.29
Share on WhatsApp
Share on WhatsApp
urumchi-ot-olgen-olgenler-1.jpg ئۈرۈمچىدە 24-نويابىر بىناغا تۇتاشقان ئوت ئاپىتىدە 19-قەۋەتتە قازا قىلغان (سولدىن) 13 ياشلىق شەھىدە، 5 ياشلىق نەھدىيە، ئۇلارنىڭ ئانىسى 48 ياشلىق قەمەرنىساخان ئابدۇراخمان ۋە 9 ياشلىق ئابدۇراخمان.
Oqurmen teminligen

11-ئاينىڭ 24-كۈنى كەچقۇرۇن ئۈرۈمچىنىڭ دۆڭكۆۋرۈك رايونى «جىشاڭيۈەن» ئائىلىلىكلەر قورۇسىدىكى بىر بىناغا ئوت كېتىپ، كىچىك بالىلارنىمۇ ئۆز ئىچىگە ئالغان بىرمۇنچە ئادەمنىڭ پاجىئەلىك ئۆلۈمىنى كەلتۈرۈپ چىقارغانىدى. مەلۇم بولۇشىچە، بۇ ئوت ئاپىتىدە ئوت 15-قەۋەتتىن باشلىنىپ 19-20-قەۋەتلەرگىچە تۇتاشقان. ئوت 3 سائەتتىن ئارتۇقراق ۋاقىتتا ئاران ئۆچۈرۈلگەن.

ئۈرۈمچىدە 24-نويابىر يۈز بەرگەن ئوت ئاپىتىدە قازا قىلغان (سولدىن) 11 ياشلىق ئىمرام ۋە 13 ياشلىق شەھىدە.
ئۈرۈمچىدە 24-نويابىر يۈز بەرگەن ئوت ئاپىتىدە قازا قىلغان (سولدىن) 11 ياشلىق ئىمرام ۋە 13 ياشلىق شەھىدە.
Oqurmen teminligen

بۇ ئوت ئاپىتىدە 19-قەۋەتتىكى ئۆيىدە تۆت بالىسى بىلەن بىللە كۆيۈپ ئۆلۈپ كەتكەن قەمەرنىساخان ئابدۇراھمان ئائىلىسىنىڭ پاجىئەسى ئۇيغۇرلارنىڭ نۆۋەتتىكى تراگېدىيەسىنى تېخىمۇ ئېنىق گەۋدىلەندۈرگەن. مەرھۇم قەمەرنىساخان ئابدۇراھماننىڭ شاراپەت ۋە مۇھەممەد ئسىملىك ئىككى بالىسى تۈركىيەدە ئوقۇۋاتقان بولۇپ، ئۇلار ئانىسىنىڭ ۋە كىچىكى بەش ياش، چوڭى 13 ياشلىق بولغان ئىنى-سىڭىللىرىنىڭ ئوتتا كۆيۈپ ئۆلۈپ كەتكەنلىكىنى ئىجتىمائىي تاراتقۇلاردىن كۆرگەن. ئۇلارنىڭ دېيىشىچە ئۇلارنىڭ دادىسى ۋە چوڭ ئاكىسى 2016-يىلىنىڭ ئوتتۇرىلىرى ۋە 2017-يىلىنىڭ ئاخىرلىرىدا ئايرىم-ئايرىم لاگېرغا ئېلىپ كېتىلگەن بولۇپ، شۇنىڭدىن بۇيان ئۇلارنىڭ ئىز-دېرىكى يوق ئىكەن.

مەرھۇم قەمەرنىساخان ئابدۇراخماننىڭ تۈركىيەدە ئوقۇۋاتقان شاراپەت ۋە مۇھەممەد ئىسىملىك ئىككى پەرزەنتى. 2022-يىلى، ئىستانبۇل.
مەرھۇم قەمەرنىساخان ئابدۇراخماننىڭ تۈركىيەدە ئوقۇۋاتقان شاراپەت ۋە مۇھەممەد ئىسىملىك ئىككى پەرزەنتى. 2022-يىلى، ئىستانبۇل.

شاراپەت ۋە مۇھەممەدنى بۇ مۇناسىۋەت بىلەن رادىيومىزنىڭ بۈگۈنكى پروگراممىسىغا تەكلىپ قىلدۇق. سۆھبىتىمىزنىڭ تەپسىلاتىنى يۇقىرىدىكى ئۇلىنىشتىن ئاڭلىغايسىلەر.

تاجسىمان ۋىرۇس قامىلى مەزگىلىدە، 24-نويابىر ئوت كېتىپ ئېغىر دەرىجىدە كۆيۈپ كەتكەن بىنا. 2022-يىلى 25-نويابىر، ئۈرۈمچى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.