Үрүмчидики от апитидә қаза қилған қәмәрнисахан абдураһман аилисниң паҗиәси

Мухбиримиз нуриман
2022.11.29
urumchi-ot-olgen-olgenler-1.jpg Үрүмчидә 24-ноябир бинаға туташқан от апитидә 19-қәвәттә қаза қилған (солдин) 13 яшлиқ шәһидә, 5 яшлиқ нәһдийә, уларниң аниси 48 яшлиқ қәмәрнисахан абдурахман вә 9 яшлиқ абдурахман.
Oqurmen teminligen

11-Айниң 24-күни кәчқурун үрүмчиниң дөңкөврүк райони “җишаңйүән” аилиликләр қорусидики бир бинаға от кетип, кичик балиларниму өз ичигә алған бирмунчә адәмниң паҗиәлик өлүмини кәлтүрүп чиқарғаниди. Мәлум болушичә, бу от апитидә от 15-қәвәттин башлинип 19-20-қәвәтләргичә туташқан. От 3 саәттин артуқрақ вақитта аран өчүрүлгән.

Үрүмчидә 24-ноябир йүз бәргән от апитидә қаза қилған (солдин) 11 яшлиқ имрам вә 13 яшлиқ шәһидә.
Үрүмчидә 24-ноябир йүз бәргән от апитидә қаза қилған (солдин) 11 яшлиқ имрам вә 13 яшлиқ шәһидә.
Oqurmen teminligen

Бу от апитидә 19-қәвәттики өйидә төт балиси билән биллә көйүп өлүп кәткән қәмәрнисахан абдураһман аилисиниң паҗиәси уйғурларниң нөвәттики трагедийәсини техиму ениқ гәвдиләндүргән. Мәрһум қәмәрнисахан абдураһманниң шарапәт вә муһәммәд симлик икки балиси түркийәдә оқуватқан болуп, улар анисиниң вә кичики бәш яш, чоңи 13 яшлиқ болған ини-сиңиллириниң отта көйүп өлүп кәткәнликини иҗтимаий таратқулардин көргән. Уларниң дейишичә уларниң дадиси вә чоң акиси 2016-йилиниң оттурилири вә 2017-йилиниң ахирлирида айрим-айрим лагерға елип кетилгән болуп, шуниңдин буян уларниң из-дерики йоқ икән.

Мәрһум қәмәрнисахан абдурахманниң түркийәдә оқуватқан шарапәт вә муһәммәд исимлик икки пәрзәнти. 2022-Йили, истанбул.
Мәрһум қәмәрнисахан абдурахманниң түркийәдә оқуватқан шарапәт вә муһәммәд исимлик икки пәрзәнти. 2022-Йили, истанбул.

Шарапәт вә муһәммәдни бу мунасивәт билән радийомизниң бүгүнки программисиға тәклип қилдуқ. Сөһбитимизниң тәпсилатини юқиридики улиништин аңлиғайсиләр.

Таҗсиман вирус қамили мәзгилидә, 24-ноябир от кетип еғир дәриҗидә көйүп кәткән бина. 2022-Йили 25-ноябир, үрүмчи.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.