ئۇيغۇر ھەركىتى تەشكىلاتى گوللاندىيە ۋە بېلگىيەدە ئۇيغۇرلار توغرىلىق بىر قاتار پائالىيەتلەردە بولدى

ئىختىيارىي مۇخبىرىمىز ئۇيغۇرئاي
2022.02.03
Share on WhatsApp
Share on WhatsApp
ئۇيغۇر ھەركىتى تەشكىلاتى گوللاندىيە ۋە بېلگىيەدە ئۇيغۇرلار توغرىلىق بىر قاتار پائالىيەتلەردە بولدى «ئۇيغۇر ھەرىكىتى تەشكىلاتى» نىڭ رەئىسى روشەن ئابباس، ئۇيغۇر تەتقىقات مەركىزىنىڭ رەئىسى ئابدۇلھەكىم ئىدرىس ئىككىيلەن بىريۇسسېل ئاخبارات كۇلۇبىدا «ھەدەم نەدە؟» ھۆججەتلىك فىلىمىنىڭ قۇيۇلۇش مۇراسىمىدىن كېيىن مۇخبىرلارنى كۈتۈۋېلىش يىغىنىدا. 2022-يىلى 1-فېۋرال.
RFA/Uyghur'ay

31-يانۋار ئۇيغۇر ھەرىكىتى تەشكىلاتنىڭ رەئىسى روشەن ئابباس، ئۇيغۇر تەتقىقات مەركىزىنىڭ رەئىسى ئابدۇلھەكىم ئىدرىس ئىككەيلەن گوللاندىيەدىكى ئامېرىكا ئەلچىخانىسىدا ئۇيغۇرلار توغرىلىق مەخسۇس كۆرۈشۈشتە بولغان. بۇ كۆرۈشۈشكە گوللاندىيە پارلامېنتىنىڭ ئەزالىرىدىن رۇبىن برېكېلماس (Brekelmas Ruben)، ئاگنېس مۇلدېر (Agnes Mulder) قاتارلىق كىشىلەرمۇ قاتاشقان.

ئۇلار مەزكۇر سۆھبەتكە قاتناشقان پارلامېنت ئەزالىرىدىن گوللاندىيە پارلامېنتىدا «ئۇيغۇر دوستلۇق گۇرۇپپىسى» قۇرۇشنى تەلەپ قىلغان. ئۇلار يەنە گوللاندىيە ئۇيغۇر كىشىلىك ھوقۇق فوندىنىڭ ئەزالىرى بىلەن ئۇيغۇرلارنىڭ نۆۋەتتىكى ئەھۋالى ۋە ئۇلارنىڭ خىزمەت پىلانلىرى ھەققىدە پىكىر ئالماشتۇرغان.

ئۇيغۇر ھەرىكىتى تەشكىلاتنىڭ رەھبەرلىرى گوللاندىيەدىكى پائالىيەتلىرىنى ئاخىرلاشتۇرۇپ، 1-فېۋرال كۈنى بېلگىيەگە يېتىپ بارغان. ئۇلار بېريۇسسېل ئاخبارات كۇلۇبىدا ياۋروپا كىشىلىك ھوقۇق فوندى تەرىپىدىن ئورۇنلاشتۇرۇلغان «ھەدەم نەدە؟» ھۆججەتلىك فىلىمىنىڭ قۇيۇلۇش مۇراسىمىغا قاتناشقان ۋە مۇخبىرلارنى كۈتۈۋېلىش يىغىنى ئۆتكۈزگەن.

ياۋروپا كىشىلىك ھوقۇق فوندى ئۇزۇندىن بېرى ئۇيغۇرلارنى قوللاپ-قۇۋۋەتلىگەن، شۇنداقلا ئۇيغۇرلارنىڭ نۆۋەتتە دۇچ كېلىۋاتقان ئېغىر ۋەزىيىتىنى ياۋروپا پارلامېنتىدا ئوتتۇرىغا قۇيۇپ كېلىۋاتقان بىر تەشكىلاتتۇر. بۇ قېتىم يەنە ئۇلارنىڭ كۈچ چىقىرىشى بىلەن ئامېرىكانىڭ ياۋروپا ئىتتىپاقىدا تۇرۇشلۇق ئەلچىخانىسىنىڭ ساھىبخانلىقىدا «ھەدەم نەدە؟» ناملىق ھۆججەتلىك فىلىم ئوڭۇشلۇق ھالدا قۇيۇلغان.

فىلىم قۇيۇلغاندىن كېيىن ھەرقايسى تاراتقۇلار ۋە ئاخبارات قاناللىرىنىڭ مۇخبىرلىرى فىلىم ھەققىدە سوئاللار سورىغان.

مەزكۇر ئاخبارات يىغىنىغا بېلگىيە يېشىللار پارتىيەسىنىڭ رەئىسى ساموئىل گوگولاتى ئەپەندى، بېلگىيەدىكى بىر قانچە سىياسىي پارتىيەلەرنىڭ ئەزالىرى، دۇنيا ئۇيغۇر قۇرۇلتىيىنىڭ رەئىسى دولقۇن ئەيسا، بېلگىيە ئۇيغۇر جەمئىيىتىنىڭ مەسئۇللىرى، شۇنداقلا لاگېر شاھىتلىرىدىن قەلبىنۇر سىدىق خانىم قاتارلىقلار قاتناشقان. پائالىيەت 2 سائەت داۋاملاشقان بولۇپ، ئۇيغۇرلار توغرىلىق گۇۋاھلىق بېرىش، بېيجىڭ قىشلىق ئولىمپىكىنى بايقۇت قىلىش قاتارلىق مەزمۇنلاردىكى سۆھبەت-مۇنازىرىلەر ناھايىتى قىزغىن ئېلىپ بېرىلغان.

رادىيويىمىز زىيارىتىنى قوبۇل قىلغان ئۇيغۇر ھەرىكىتى تەشكىلاتىنىڭ رەئىسى روشەن ئابباس خانىم، ئۆزلىرىنىڭ بۇ قېتىم گوللاندىيە ۋە بېلگىيە ئىككى دۆلەتتىكى پائالىيەتلىرى ھەققىدە مەلۇمات بەردى.

دۇنيا ئۇيغۇر قۇرۇلتىيىنىڭ رەئىسى دولقۇن ئەيسا ئەپەندىمۇ زىيارىتىمىزنى قوبۇل قىلىپ، بېلگىيە پايتەختى بېريۇسسېلدا ئېلىپ بېرىلغان پائالىيەتنىڭ جەريانى ۋە ئەھمىيىتى ھەققىدە پىكىر بايان قىلدى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.