Kuchada nemunichi oqutquchi memettursun da'imning 11 aydin buyan tutqunda ikenliki ashkarilandi

Muxbirimiz shöhret hoshur
2020-03-23
Share
mettursun-daim-oqutquchi-1.jpg Kucha nahiyelik 4-ottura mektepning oqutquchisi memettursun da'im.
Oqurmen teminligen

Téxi bir yilning aldida kucha nahiyelik 4-ottura mektepning yighin zallirida mukapatliniwatqan körünüshi tor arxiplirida saqlinip turuwatqan oqutquchi memettursun da'imning 11 aydin buyan tutqunda ikenliki ashkarilandi.

Féysbukta Uyghuriye alp namidiki bireylenning ashkarilishiche, kucha nahiyelik 4‏-ottura mektepning nemunichi oqutquchisi memettursun da'im, bultur 4 ‏-ayda namelum seweb bilen tutup kétilgen. Féysbuktiki bu uchurda memettursun da'imning 2019 ‏-yili 3 ‏-ayda mezkur mekteptiki partiye ezaliri yighinigha qatnishiwatqan süriti körsitilgen. Xewerdiki süretlerdin biride uning üstige sherep léntisi taqalghan halette mektep meydanida mukapat éliwatqan körünüshimu bérilgen.

Téléfonimizni qobul qilghan kucha nahiyelik arxip idarisi memettursun da'im heqqidiki so'allirimizni tepsiliy anglighandin kéyin bu kishi heqqide özliride melumat yoqluqini bayan qildi.

Emma féysbuktiki mezkur uchurda qisturulghan süretlerdiki ikki lozunkidin memettursun da'imning kompartiye ezasi ikenliki melum. Shunga biz arxip idarisi xadimigha uning kompartiye ezasi ikenlikini bayan qilghinimizdin kéyin u memettursun heqqidiki heqqidiki uchurlarni ashkarilashqa bolmaydighanliqini bayan qildi.

Téléfonimizni qobul qilghan kucha nahiyelik ma'arip idarisining ishxana mudiri kucha 4‏-ottura mektepte memettursun da'im isimlik bir oqutquchining barliqini inkar qilmidi. U peqet memettursun da'im heqqidiki uchurlarni ashkarilashqa bolmaydighanliqini éytti.

Féysbuktiki mezkur uchurda memettursun da'imning 25 yilliq bir ma'aripchi ikenliki, ma'arip sahesidiki töhpikarlardin biri ikenliki eskertilgen. Biz memettursun day'imning bu teripini semige salghandin kéyin, mezkur ma'arip idarisining ishxana mudiri memettursun da'im heqqide j. X. Tarmaqliridin uchur élishimizni tewsiye qilish arqiliq uning nöwette tutqunda ikenlikini isharetlidi. Biz uninggha memettursun da'imning bir ma'aripchi ikenliki, shunga ehwalni ma'arip idarisidin uqushni xalaydighanliqimizni bildürginimizde u éniq halda u bu uchurning bir dölet mexpiyetliki ikenlikini eskertti.

Féysbuktiki uchurda yene memettursun da'imning ximiye dersi béridighanliqi, her yili kuchadiki aliy mektep imtihanigha qatnishidighan oqughuchilargha yétekchilik qilidighanliqi qeyt qilin'ghan. Ma'arip idarisining xadimi bu heqtiki uchurlarni ashkarilimasliqta ching turdi.

Bu idaridiki yene bir xadim memettursun da'imning tutqunda ikenlikini delillidi. U memettursun da'imning tutulush sewebi heqqide 4‏-ottura mekteptin melumat élishimizni tewsiye qildi. Mezkur mektep xadimimu memettursunning lagérda ikenlikini delillidi, emma qaysiy lagérda ikenliki heqqide melumat bérelmidi.

Yuqirida kucha nahiyelik 4‏-ottura mektepning nemunichi oqutquchisi, partiye ezasi memettursun da'imning 11 aydin buyan tutqunda ikenliki heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet