Фирансийәдә ваң йиға, мюнхенда чен чүәнгоға қарши намайиш елип берилди

Ихтиярий мухбиримиз әкрәм
2020-08-28
Елхәт
Пикир
Share
Принт
Фирансийәдики уйғурлар, тибәтләр, хоңкоңлуқлар, тәйвәнликләр вә һәрсаһә кишилик һоқуқ паалийәтчилири хитай ташқи ишлар министири ваң йиниң зиярити мунасивити билән өткүзгән хитайға наразилиқ намайишидин көрүнүш. 2020-Йили 28-авғуст, фирансийә
Фирансийәдики уйғурлар, тибәтләр, хоңкоңлуқлар, тәйвәнликләр вә һәрсаһә кишилик һоқуқ паалийәтчилири хитай ташқи ишлар министири ваң йиниң зиярити мунасивити билән өткүзгән хитайға наразилиқ намайишидин көрүнүш. 2020-Йили 28-авғуст, фирансийә
RFA/Ekrem

Хитай ташқи ишлар министири ваң йиниң явропадики 5 дөләттә елип барған зиярити түрлүк қаршилиқларға дуч кәлди.

Явропадики 5 дөләттә чақмақ тезликидә зиярәттә болуватқан хитай ташқи ишлар министири ваң йи 26-авғуст голландийәдә, 27-авғуст норвегийәдә уйғурларниң күчлүк қаршилиқиға дуч кәлгәниди. У 28-авғуст фирансийәгә қәдәм қоюши биләнла фирансийәдики уйғурлар, тибәтләр, хоңкоңлуқлар, тәйвәнликләр вә һәрсаһә кишилик һоқуқ паалийәтчилириниң ортақ қаршилиқиға дуч кәлгән.

«Фирансийә уйғур бирлики» тәшкилатиниң муавин рәиси мирқәдир мирзатниң билдүрүшичә, хитай ташқи ишлар министири ваң йиға қарши бу намайиш пайтәхт париждики фирансийә дөләт мәҗлисиниң алдида җушқун кәйпият ичидә өткүзүлгән.

Бу намайишқа иштирак қилған фирансийәдики уйғур зиялийси әкбәр әпәндиму намайишниң күчлүк қаршилиқ садалири ичидә 2 саәт давам қилғанлиқини, намайишта фирансийә пиризденти макрондин уйғурлар мәсилисигә көңүл бөлүшни тәләп қилип шоарлар товланғанлиқини әскәртти.

Намайишта йәрлик кишилик һоқуқ тәшкилатлириниң мәсуллириму нутуқлар сөзләп хитай һакимийитиниң уйғурлар, тибәтләр, хоңкоңлуқлар, тәйвәнликләргә селиватқан зулумлири һәм бесим сияситини қаттиқ әйиблигән.

Хитай ташқи ишлар министири ваң йиниң явропадики 5 дөләттә елип баридиған зияритиниң ахирқи бекити германийә болуп, у германийә пайтәхти берлинда зиярәттә болидикән. Д у қ ниң тәшкиллиши билән мюнхен шәһиридин бир бөлүк уйғурлар 31-авғуст кәчтә йолға чиқип 1-сентәбир берлинға йетип берип ваң йиниң германийә зияритигә қарши кәң көләмлик намайиш елип баридикән.

28-Авғуст йәнә германийәниң мюнхен шәһиридики хитай консулханиси алдида уйғур аптоном районлуқ парткомниң секретари чен чүәнгониң вәзигә олтурупла уйғур диярида җаза лагерлирини қурғанлиқи вә ирқий қирғинчилиқни башлиғанлиқиниң 4 йиллиқи мунасивити билән наразилиқ намайиши өткүзүлгән.

Мюнхен шәһиридики хитай консулханиси алдида өткүзүлгән бу намайишни «явропа шәрқий түркистан бирлики» тәшкилати билән «хәтәр астидики хәлқләр тәшкилати» бирликтә уюштурған. «явропа шәрқий түркистан бирлики» тәшкилатиниң рәиси әсқәрҗан әпәнди зияритимизни қобул қилғанда бу қетимқи намайишниң мәқсити тоғрисида тохталди.

Пикирләр (0)
Share
Толуқ бәт