Хитайда корона вирусиға қарши сахта мәһсулатлар ямрашқа башлиған

Мухбиримиз җүмә
2020-03-29
Елхәт
Пикир
Share
Принт
«Нюйорк вақит гезити» дә елан қилинған, хитайда корона вирусиға қарши сахта мәһсулатларниң ямрашқа башлиғанлиқи һәққидики хәвәр. 2020-Йили 27-март.
«Нюйорк вақит гезити» дә елан қилинған, хитайда корона вирусиға қарши сахта мәһсулатларниң ямрашқа башлиғанлиқи һәққидики хәвәр. 2020-Йили 27-март.
Photo: RFA

Хитайниң вухән шәһиридин тарқалған корона вирус пүтүн дуняға ямриған мәзгилдә хитайниң чоң-кичик ширкәтлири барлиқ диққитини корона вирусиға қарши мәһсулатларға қаратқан болғачқа, хитайда корона вирусиға қарши сахта мәһсулатлар ямрашқа башлиған.

«Нюйорк вақит гезити» ниң хәвәр қилишичә, һәтта бир адәм хитайдики деһқанчилиқ мәйданиға қурулған бир завутта Honeywell N95 маскилириниң сахтисини ясап чиққан. Хитайдики дора дуканлири Clorox тазилаш суюқлуқиниң үнүмсиз сахтилирини сетишқа башлиған. 

Даириләр бир өлкидинла 70 милйон данә сахта, яки өлчәмгә тошмайдиған маскиларни мусадирә қилған. 

Бу хилдики сахта мәһсулатлар хәлқара базарғиму еқип киришкә башлиған.

Испанийә һөкүмити өзлиригә хитайдин кәлтүрүлгән корона вирусини тәкшүрүш әсвабиниң тоғрилиқ дәриҗисиниң әсли елан қилинғинидәк 80 пирсәнт болмастин, аран 30 пирсәнткә улашқанлиқидин шикайәт қилған. 

Хитайниң испанийәдә турушлуқ баш әлчилики твиттер арқилиқ баянат берип, бу үскүниләрни хитай һөкүмитиниң корона вирусиға қарши әслиһәләрни ишләш рухситигә еришмигән шенҗендики бир биохимийә завути ишлигәнликини билдүргән. Шенҗендики базар башқуруш тармақлири бу мәсилигә қарап чиқидиғанлиқини ейтқан.

Хитайдики сүпәт тәкшүрүш органлири миңлиған, он миңлиған сахта маска, термометир вә дезинфексийә суюқлуқи ясаш завутлирини тақиған.

Бу хил һадисиләр хитайниң һәммә йеридә көрүлүшкә башлиған. Хитай сақчилири һәтта бәзи завутларниң корона вирусиға қарши сахта дориларниму ясиғанлиқини байқиған.

Пикирләр (0)
Share
Толуқ бәт