Үч ай җәрянида 759 миң 493 адәм хитайдин америкаға киргән

Мухбиримиз җүмә
2020-04-05
Елхәт
Пикир
Share
Принт
Теббий хадимлар вашингтон университетидики коронавирус понкити юқумланғучиларни сақлап турған көрүнүши. 2020-Йили 17-март, сеатил шәһири, вашингтон штати.
Теббий хадимлар вашингтон университетидики коронавирус понкити юқумланғучиларни сақлап турған көрүнүши. 2020-Йили 17-март, сеатил шәһири, вашингтон штати.
AP

Санлиқ мәлуматларға қариғанда, өткән йили декабирдин бу йил февралғичә болған үч ай җәрянида 759 миң 493 адәм хитайдин америкаға киргән.

Буларниң ичидә хитайдин америкаға қайтқан америка пуқралири 228 миңға йетидикән.

А б с агентлиқиниң зияритини қобул қилған дохтур симоне вилдес: «бу санлар адәмни чөчүтиду. Бу йәршарилишишниң реаллиқ икәнликни һәмдә буниң һаятимизға көрситидиған тәсиригә һәр заман тәйяр болушимиз лазимлиқини көрситиду» дегән.

У йәнә мундақ дегән: «америкаға хитайдин киргән бу йолучиларниң қачисида корона вируси барлиқини мөлчәрләш қейин, әмма буларниң арисидики көпинчәйлән бу вирус билән юқумланған, дәп ейтсақ хаталашмаймиз.»

Хәвәргә қариғанда, буларниң көпүкчилири ню-йорк, сятел яки лос анҗилис шәһәрлиригә киргән барған болса, йәнә нурғунлири американиң башқа җайлириға киргән болуши мумкин икән.

Америкадики вирус вәзийити һәққидә тохталған ню-йорк штатиниң башлиқи андрев кумо: «бу вирус нурғунлиримиз уни байқаштин хели бурунла бу йәргә кирип болған. Дуняниң башқа җайлиридин келидиған йолучилар башта бу штатқа киридиған болғачқа биз башқиларға қариғанда бәкрәк еғир юқумландуқ.»

Хитайдики вирус вәзийити еғирлашқандин кейин, 2-феврал америка президенти доналд трамп хитайдин келидиған һава қатнишиға чәклимә қойған.

Әйни чағда америкада техи 12 нәпәр юқумдар байқалған болуп, президент трампниң хитайға берип-келишни чәкләш буйруқи хитайниң наразилиқини қозғиған.

Улар америка алған тәдбирләрни «кәмситиш характерлик», «зиядә» дәп әйиблигән иди. 

Нөвәттә америкида бу вирус билән юқумланғанлар сани 312 миңдин, һаятидин айрилғанлар сани 8 миң 500 дин ашти.

Пикирләр (0)
Share
Толуқ бәт