Dunya Uyghur qurultiyi rehberliri aqsaraydiki yuqiri derijilik emeldarlar bilen körüshti

Muxbirimiz alim séytof
2018-09-11
Élxet
Pikir
Share
Print
D u q re'isi dolqun eysa we qurultay ijra'iye hey'et re'isi ömer qanat ependiler aqsarayda. 2018-Yili 10-séntebir, washin'gton.
D u q re'isi dolqun eysa we qurultay ijra'iye hey'et re'isi ömer qanat ependiler aqsarayda. 2018-Yili 10-séntebir, washin'gton.
Photo: RFA

Dunya Uyghur qurultiyining re'isi dolqun eysa bilen ijra'iye hey'iti re'isi ömer qanat 10-séntebir küni amérikining yuqiri derijilik emeldarliri bilen aqsarayda körüshüp , Uyghurlar hazir duchar boluwatqan jiddiy mesililer üstide söhbet élip barghan.

Ular aqsaray emeldarliri bilen körüshüsh jeryanida bir milyon Uyghurning jaza lagérlirida tutup turulushi, amérika we gherb ellirining xitaygha buni jiddiy mesile üstide bésim qilishi hem Uyghurlargha qarshi bu xil qattiq qol basturush élip bériwatqan xitay emeldarlirini jazalash qatarliq bir yürüsh mesililer üstide söhbet élip barghan. Dolqun eysa bilen ömer qanat bu emeldarlar bilen körüshüsh jeryanida özlirining amérika hökümiti we dölet mejlisige bolghan minnetdarliqini bildürüpla qalmay, yene özlirining Uyghur mesilisini bir terep qilish toghrisidiki pikir-tekliplirini otturigha qoyghan.

Dunya Uyghur qurultiyi re'isi dolqun eysa aqsaraydiki bu söhbetke qatnishish üchün özining yawropa parlaméntidiki bezi pa'aliyetlirini toxtitip, 10-séntebir küni washin'gton'gha yétip kélip, aqsaraydiki yuqiri derijilik emeldarlar bilen söhbitini ghelibilik ayaghlashturup shu küni axshimi yene bélgiyege seper qildi.

Yuqiridiki awaz ulinishi arqiliq, Uyghur bölümining diréktori alim séytofning d u q re'isi dolqun eysa we ijra'iye hey'iti re'isi ömer qanat bilen élip barghan söhbitini anglighaysiler.

Toluq bet