ھۆرلۈك ئىزدەپ: بىر ئۇيغۇر زىيالىينىڭ سەرگۈزەشتىسى (1)

1940 - يىللىرىدىكى مىللىي ئازادلىق ئۇرۇشى دەۋرىدە غۇلجىدا چوڭ بولغان ئۇيغۇر زىيالىيسى ئوسمان تۇردى ھازىر قىرغىزىستاندا ياشىماقتا.

ئۇنىڭ بىلدۈرۈشىچە، ئۇنىڭ ئائىلىسىدىن دادىسى قاتارلىق بىر نەچچەيلەن شەرقىي تۈركىستان مىللىي ئارمىيەسىگە ئەگىشىپ، خىتاي تاجاۋۇزچىلىرىغا قارىشى ئۇرۇشقا قاتناشقان. ئۇ كىچىك بولغانلىقى ئۈچۈن ئۇرۇشقا قاتنىشالمىغان بولسىمۇ، ئەمما ئۆز قېرىنداشلىرى مىللىي ئازادلىق ئۇرۇشى ئۈچۈن كۆرسەتكەن قەھرىمانلىق تۈپەيلى روھى مىللىي غۇرۇر ۋە مىللەتنى سۆيۈش تۇيغۇسىغا تويۇنۇپ ئۆسىدۇ.

تۆۋەندە ئۇنىڭ غۇلجىدىن ئۈرۈمچىگە كەلگەنلىكى، ئۈرۈمچىدە كۆرگەن ئاڭلىغانلىرى، «يەرلىك مىللەتچىلىككە قارشى تۇرۇش ھەرىكىتى» دە نېمىلەرنى كۆرگەنلىكى ۋە قانداق قىسمەتلەرگە يولۇققانلىقى ھەققىدىكى بايانلىرىنى ئاڭلايسىلەر.

مەزكۇر سۆھبەتنىڭ داۋامىنى شەنبە كۈننى ئاڭلىتىپ كېلىۋاتقان يورۇق ساھىللار سەھىپىمىزنىڭ «كەچمىش ۋە ئەسلىمە» قىسمىدا داۋاملىق ئاڭلىتىمىز.