Kanada Uyghur jem'iyiti kanada xelqini Uyghur élidiki qanliq toqunushlargha köngül bölüshke chaqirmaqchi

Bu yil aprélning axiridin hazirgha qeder Uyghur élidiki maralbéshi, lükchün, xoten we ürümchi beyge meydani qatarliq jaylarda Uyghur yashliri bilen xitay saqchiliri otturisida qanliq toqunushlar arqa-arqidin yüz bérip, her ikki tereptin adem ölüsh weqeliri sadir bolghan. Buninggha qarimay xitay hökümiti uchurni qattiq kontrol qiliwalghanliqi üchün xelq'ara jama'etchilik jümlidin Uyghurlar weqening aqiwitidin qattiq endishe qilmaqta, shuning bilen bir waqitta, xitay terep Uyghur élining merkizi ürümchi shehirige tanka qisimliri yerleshtürgenliki heqqide xewerler tarqiliwatqan bolsimu, emma, kanada tashqi ishlar ministirliqi weqe heqqide héchqandaq inkas qayturmay jim turuwalghan.

Bu munasiwet bilen biz kanada Uyghur jem'iyitining kanada tashqi ishlar ministirliqi bilen Uyghur élidiki mesililer heqqide sözleshken we yaki sözleshmigenlikini bilip béqish meqsitide, kanada Uyghur jem'iyitining re'isi qéyum mesimofni ziyaret qilduq.

Yuqiridiki ulinishtin bu programmining tepsilatini anglighaysiler.