Тәйвәндә «шәрқий түркистан: уйғурларниң һәқиқий дуняси» намлиқ китаб тәшвиқати давам қилмақта

Ихтиярий мухбиримиз һаҗи қутлуқ қадири
2016-10-21
Share
taiwan-teywen-sherqiy-turkistan-uyghurlarning-dunyasi-2016-2.jpg Илһам маһмут әпәнди сөздә
RFA/Haji Qutluq Qadiri


19 - Өктәбирдин башлап тәйвәндә «шәрқий түркистан:уйғурларниң һәқиқий дуняси» намлиқ китабни тәшвиқ қилиш паалийити рәсмий башланған.

Игилишимизчә, йеқинда тәйвәндики «авангарт» нәшрияти нәшр қилған «шәрқий түркистан:уйғурларниң һәқиқий дуняси» намлиқ йеңи китабни кәң тәйвән җамаитигә тәшвиқ қилиш үчүн, мәзкур нәшрият 19 - өктәбирдин башлап түрлүк шәкилдә тәшвиқ қилиш паалийәтлирини рәсмий башливәткән.

Мәзкур нәшриятниң тәклипи билән тәйвәндики китаб тәшвиқат паалийитигә иштирак қиливатқан японийә уйғур җәмийитиниң рәиси илһам маһмутниң билдүрүшичә, шу күни кәчтә тәйбийдики бир йиғилиш залида өткүзүлгән уйғур мәсилиси вә китаб һәққидики доклат бериш паалийитигә һазир тәйвәндә яшаватқан мәшһур хитай сиясий обзорчиси лин бавхуа әпәндиму алаһидә тәклип билән қатнишип уйғурлар тоғрисида тохталған.

Илһам маһмутниң ейтишичә, доклат бериш паалийитигә қатнашқан уйғур мәсилисигә қизиққучи көплигән яшлар уйғурлар тоғрисида көплигән соалларни оттуриға қойған.

Мәзкур китаб тәшвиқати паалийитиниң иккинчи күнидә илһам маһмут тәйвәндики нопузлуқ радийо истансисилириниң бу һәқтики радийо сөһбәт программилириға қатнашқан.

Илһам маһмутниң илгири сүрүшичә, мәзкур китабниң сетилиш әһвали наһайити яхши болуп, дуняниң һәр қайси җайлиридики уйғур мәсилисигә қизиққучи кәң оқумәнләр нәшрият арқилиқ бу китабни сетиливелишқа келишкән.

Бир қисим уйғур сиясий көзәткүчиләрниң қаришичә, тәйвән президенти ма йиңҗу дәвридә дуня уйғур қурултийиниң рәиси рабийә қадир ханимниң тәйвәнгә кириши түрлүк тосалғуларға учриған болсиму, бирақ бу йил 5 - айда тәйвән мустәқиллиқини тәрғип қилғучи сәй йиңвен ханим тәхткә чиққандин кейин, тәйвәндә уйғур, тибәтләрниң кишилик һоқуқ мәсилисигә көңүл бөлүш вәзийити шәкилләнгән.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.