Türkiyening 5 shehiride Uyghur diyarining éghir weziyiti anglitildi

Sherqiy türkistan ma'arip we hemkarliq jem'iyiti re'isi hidayetullah oghuzxan istanbulning bashaq sheher rayonida doklat berdi. 2019-Yili 25-yanwar. Istanbul, türkiye.

Sherqiy türkistan ma'arip we hemkarliq jem'iyiti re'isi hidayetullah oghuzxan istanbulning bashaq sheher rayonida doklat berdi. 2019-Yili 25-yanwar. Istanbul, türkiye.

Sherqiy türkistan ma'arip we hemkarliq jem'iyiti bash katipi ablet abdurrahim rize shehiride doklat berdi. 2019-Yili 18-yanwar. Rize, türkiye.

Sherqiy türkistan ma'arip we hemkarliq jem'iyiti bash katipi ablet abdurrahim rize shehiride doklat berdi. 2019-Yili 18-yanwar. Rize, türkiye.

Sherqiy türkistan ma'arip we hemkarliq jem'iyiti bash katipi ablet abdurrahim rize shehiride doklat berdi. 2019-Yili 18-yanwar. Rize, türkiye.

Türkiyening her qaysi jaylirida xitaygha qarshi naraziliq pa'aliyetliri we Uyghurlarning hazirqi weziyitini otturigha qoyush üchün doklat bérish, metbu'at bayanati élan qilish pa'aliyetliri künsayin köpeymekte. 25-Yanwar küni istanbuldiki bashash sheher rayonida “Sherqiy türkistanni untuma” témisida doklat bérish yighini ötküzülgen. Chinar toluq ottura mektipining zalida ötküzülgen doklat bérish yighinida sherqiy türkistan ma'arip we hemkarliq jem'iyiti re'isi hidayetulla oghuzxan ependi Uyghurlarning éghir weziyiti toghrisida, bolupmu nuqtiliq halda “Jaza lagérliri” toghrisida melumat bergen. U, téléfon ziyaritimizni qobul qilip bu heqte melumat berdi.

Mezkur pa'aliyetni türkiye ma'arip bir uyushmisi, bashaq sheher rayonluq hökümet we anatoliye yashlar teshkilati birlikte uyushturghan bolup, pa'aliyetke 400 etrapida kishi ishtirak qilghan. “Sherqiy türkistanni untuma” mawzuluq pa'aliyette Uyghur diyaridin 3 yil burun chiqqan, hazir 41 tughqini türme we “Jaza lagérlirigha” tashlan'ghan 87 yashtiki niyaz damollam guwahliq bergen. Hidayetulla oghuzxan ependi bu heqte toxtaldi. 

Türkiye hökümiti Uyghurlar hazir duchar boluwatqan éghir bésim siyasitige qarita pozitsiye bildürmigen bolsimu, türk ammiwi teshkilatliri, türk xelqi her xil pa'aliyetler arqiliq xitaygha naraziliq bildürmekte, türkiye hökümitini Uyghurlargha ige chiqishqa chaqirmaqta we Uyghur diyarining hazirqi éghir weziyitini otturigha qoymaqta. Sherqiy türkistan ma'arip we hemkarliq jem'iyiti bash katipi abdul'exet abdurehim ependi, 18-yanwar küni türkiyening qara déngiz rayonidiki rize shehiride, 22-yanwar küni türkiyening qoja'éli wilayitining gebze nahiyiside, 26-yanwar küni bolsa erzurum shehiride “Sherqiy türkistan we sherqiy türkistanning hazirqi weziyiti” témisida doklat berdi. U, bu doklatlirida Uyghur diyarining tarixi we hazirqi weziyiti toghrisida toxtalghan. U, téléfon ziyaritimizni qobul qilip, bu heqte melumat berdi.

26-Yanwar shenbe küni axsham türkiyening istanbul shehiridiki aqgün méhmanxanisida türkiyediki eng chong ammiwi teshkilatliridin biri bolghan ziyaliylar uyushmisi “Türk dunyasining tügimigen köz yéshi” témisida yighin chaqirghan. Yighinda iraq we süriyediki türkmenlerning hazirqi weziyiti we Uyghurlarning hazirqi éghir weziyiti toghrisida doklat bérilgen. Yighinda sherqiy türkistan wexpining sabiq re'isi hamut göktürk ependi “Sherqiy türkistanda irqiy qirghinchiliq” témisida doklat bergen. Ziyaritimizni qobul qilghan hamut göktürk ependi munularni otturigha qoydi. 

Abdul'exet abduréhim ependi aldimizdiki 31-yanwar küni istanbulning kartal rayonida doklat bérish yighini, 2-ayning 1-küni sakarya wilayitining aq yazi nahiyiside chong namayish, 3-küni istanbulning beyqoz rayonida chong namayish ötküzülidighanliqini bayan qildi.