Илһам маһмут: йеңи һөкүмәт кабинетиниң сенкаку арили вә уйғур мәсилисидики мәйдани өзгәрмәйду

Японийә һөкүмити 3-сентәбир йеңидин кабент тәшкилләп, сенкаку арили, ясукуни ибадәтханиси қатарлиқ назук сиясий мәсилиләрдә хитай вә корейәгә йеқин болған мөтидил қараштики сиясәтчиләрни вәзипигә қоюп, хитай билән болған дипломатик мунасивәтләрни әслигә кәлтүрүшни үмид қилған.

Японийә NHK телевизийәсиниң 4-сентәбирдики хәвиридә қариғанда, японийә йеңидин кабент тәшкиллигәндин кейин, хитай тәрәп японийә изчил тәләп қилип келиватқан икки тәрәп сөһбитини әслигә кәлтүрүшкә қошулған вә бу йил 11-айда бейҗиңда ечилидиған асия тинч окян иқтисадий һәмкарлиқ йиғинида сөһбәт елип баридиғанлиқини билдүргән.

Әмма, японийәдин чиқидиған “йомиури шимбун гезити” тор бекитиниң инглиз тилидики хәвиридә дейилишичә, 7-сентәбир хитай деңиз қоғдаш қисминиң хәйҗиң 2149 маркилиқ парахоти сенкаку арили деңиз тәвәликигә кирип икки тәрәп мунасивитини йәнә қайтидин җиддийләштүрүп қойған.

Японийә билән хитай арисидики сенкаку арили мәсилиси вә японийә йеңи кабинетиниң уйғур мәсилисигә көрситидиған тәсири қатарлиқ мәсилиләр үстидә дуня уйғур қурултийиниң муавин рәиси илһам маһмут билән телефон сөһбити елип бардуқ.

Юқириқи аваз улинишидин тәпсилатини аңлаң.