Yaponiyening nagasaki, tokyo qatarliq sheherliride xitaygha qarshi namayish we yighin ötküzüldi

Ixtiyariy muxbirimiz haji qutluq qadiri
2015-07-09
Élxet
Pikir
Share
Print
8-Iyul tokyodiki xitay elchixanisi aldida ötküzülgen namayish
8-Iyul tokyodiki xitay elchixanisi aldida ötküzülgen namayish
RFA/Haji Qutluq Qadiri


5 - Iyul we 8 - iyul künliri yaponiyening nagasaki, tokyodiki sheherliridiki xitay elchixanisi we konsulxanisi aldida 5 - iyul ürümchi qirghinchliqining 6 yilliqini xatirilesh yüzisidin namayish ötküzüldi.

Yaponiyening nagasaki shehiridiki xitay konsulxanisi aldida élip bériliwatqan namayishni yaponiyediki xitaydiki milletler kishilik hoquq mesilisi teshkilati uyushturghan bolup, mezkur teshkilatning mes'ulliridin tébbiy penler doktori, ataghliq doxtur iwanaga ependi sözide, bügün 5 - iyul ürümchi qirghinchiliqida naheq öltürülgen Uyghur yashlirini eslesh bilen birge, weqening kélip chiqishigha sewebchi bolghan xitay hökümitini eyiblep, weqede qanunsiz qolgha élin'ghan Uyghur yashlirining türmidin balduraq qoyup bérilishini telep qildi. Namayish etigen sa'et ondin on ikkige qeder ikki dawam qilghandin kéyin namayishchilar wekili xitay konsulxanisigha özlirining naraziliq xétini tapshurdi.

Namayishtin kéyin, köpchilik nagasakidiki nyutén méhmanxanisining yighin zaligha jem bolup 5 - iyul qirghinchiliqi heqqide söhbet yighini achti.

5-Iyul küni nagasakida ötküzülgen xatirlesh pa'aliyiti.
5-Iyul küni nagasakida ötküzülgen xatirlesh pa'aliyiti. Photo: RFA

Yighinda aldi bilen dunya Uyghur qurultiyi ijra'iye komitétining re'isi dolqun eysaning nagasakidiki bu pa'aliyetke yollighan tebrik sözi oqup ötüldi. Yighinda nagasaki,okinawa, kagoshima qatarliq sheherlerdiki uniwérsitétlarning proféssorliri 5 - iyul ürümchi weqesi heqqide özliri teyyarlighan doklatlarni köpchilikke sundi. Yighin chüshtin kéyin sa'et birdin tötke qeder dawam qildi.

Shu küni yene, dunya Uyghur qurultiyining yaponiyediki wekili doktor turmuhemmet hashim qatarliq Uyghurlarning orunlashturushi bilen tokyo shinjukudiki köp medeniyet sariyining yighin zalida 5 - iyul ürümchi qirghinchiliqining 6 yilliqi we 28 - iyul yeken weqesining bir yilliqi xatirilendi. Ziyaritimizni qobul qilghan doktor turmuhemmet hashim xatirilesh yighinigha qatnashqan bir qisim shexsler hemde yighin'gha qatnashqan yaponiye parlamént ezalirining 5 - iyul weqesi we yeken weqesi heqqide bayan qilghan sözliri heqqide qisqiche toxtilip ötti. Yighin sahipxanliridin biri bolghan gülistan xanim bu qétimqi yighinning ehmiyiti heqqide, yaponiyediki Uyghur siyasiy aktiplardin ghalip yighindin alghan tesirati heqqide qarashlirini bayan qildi.

Undin bashqa yene, 8 - iyul tokyodiki xitay elchixanisi aldida Uyghur we yaponlar birlikte 5 - iyul qirghinchiliqi we 28 - iyul yeken weqesi munasiwiti bilen namayish élip bardi.

Yuqiriqi awaz ulinishidin tepsilatini anglang.

Toluq bet