Yaponiyilik oqughuchi takuya : yetmish yashqa yéqinlashqan, chachliri aqarghan bu anining sözliridin tolimu tesirlendim

6 - Ayning 18 - künidin bashlap yaponiyide ziyarette boliwatqan Uyghur milliy herikitining rehbiri rabiye qadir xanim tokyodiki pa'aliyetlirini ghelibilik tamamlap 6 - ayning 22 - küni dunya Uyghur qurultiyining mu'awin resiliridin séyit tümtürk,ilham mexmut, dunya Uyghur qurultiyining tetqiqat merkizining mu'awin re'isi doktor turmuhemmet hashim we yaponiyilik zhurnalist arimoto ka'ori xanimlarning hemrahliqida xokkaydo ölkisining sapporo shehirige yétip bardi.

Rabiye qadir xanim shu küni kechte sapporo sheherlik ma'arip - medeniyet sariyida sapporo xelqige Uyghurlarning kishilik hoquq mesilisi toghrisida doklat berdi.

Rabiye qadir xanim bu qétimqi doklatida asasliqi 5 - iyul weqeside ghayib bolghan ghayiblar toghrisida toxtaldi.

Doklat bérish sehnisige 5 - iyul weqeside ghayib bolghanlarning süretliri bilen sherqiy türkistanning ay - yultuzluq bayriqi ésilghan bolup, ghayib bolghanlarning süretliri doklatqa qatnashquchilarning diqqitini tartti.

Rabiye qadir xanimning sapporo xelqige doklat bérishi ikkinchi qétimliq doklati bolup, rabiye qadir xanim 2007 - yili,helqara kechurum teshkilatining teklipi bilen yaponiyige teklip qilin'ghanda sapporo shehiridimu doklat bergen idi.

Ziyaritimizni qobul qilghan rabiye qadir xanim bu qétimqi doklati heqqide toxtilip ötti.

Doklat bérish yighinigha qatnashqan sapporuluq oqughuchi takuya bügünki rabiye qadir xanimning doklati toghrisida öz tesiratini bayan qilip mundaq dédi:

- “Men rabiye qadir xanimning bügünki Uyghurlar toghrisida bergen doklatidin tolimu tesirlendim.Yetmish yashqa yéqinlashqan, chachliri aqarghan bu anining sözidin,xitay kompartiyisining Uyghurlargha qaratqan basturush siyasitining neqeder wehshi we qebih ikenlikini chüshendim.Men buningdin kéyin yaponiyide Uyghurlarning kishilik hoquq mesilisini anglitishta qolumdin kélishiche yardemde bolimen.”

Awaz ulinishidin tepsilatini anglang.