Amérika prézidénti jorj bush béyjing olimpiki sepirini bashlidi

Amérika prézidénti jorj bush 4 - awghust, béyjing olimpiki munasiwiti bilen bir qisim asiya ellirige qilghan sepiri üchün yolgha chiqti. Melum bolushiche, prézidént bush bu nöwet xitaygha barghanda xitayda kishilik hoquq mesiliside xitay terepke bésim ishlitidiken.
Muxbirimiz jüme xewiri
2008.08.04
Share on WhatsApp
Share on WhatsApp

 Prézidént bush 5 - awghusttin 7 - awghustqiche jenubi koréye we taylandlarda hökümet ziyariti élip barghandin kiyin 8 - awghust jüme küni xitayning paytexti béyjinggha yétip kélidiken.

Birleshme agéntliqining xewer qilishiche, prézidént bush béyjingda amérikining béyjingda turushluq elchixanisining muhim pa'aliyetlirige qatnishidiken, xelq'ara olimpik komitéti re'isi rogiy ependi bilen uchrishidiken hemde béyjing olimpikining échilish murasimigha qatnishidiken.

Xewerlerge qarighanda, prézidént bush, 10 - awghust xitaydiki diniy étiqad erkinliki jehette öz meydanini ipadilesh üchün, béyjingda chérkawgha baridiken we mezkur chérkawning popi bilen uchrishidiken.

30 - Iyul amérika awam palatasi bir qarar maqullap prézidént bushning Uyghur ili we tibetlerde ziyarette bolushini telep qilghan idi. Halbuki hazirche prézidént bushning Uyghur ili we tibetlerde ziyarette bolidighanliqi heqqide birer tepsiliy melumat yoq.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.