Dior Shirkiti tibetni himaye qilghan artisning élan süritini élip tashlidi
Muxbirimiz eqide xewiri
2008.05.29
2008.05.29
Bayanatta éytilishiche, bu qarar istémalchilarning telipige asasen muqimlashqan bolup, biraq artisning shexsi söz pikrining Dior shirkiti bilen héchqandaq alaqisining yoq ikenlikini bildürgen shirket bayanatchisi yene, özlirining istémalchilarning könglige azar élip kélidighan her qandaq munazirilerni qollimaydighanliqini tekitligen.
Sharin Stone, yéqinda ötküzülgen gana kino féstiwalida, dalay lamani tilgha élip, uning bilen yéqin dost ikenlikini, budda dinida éytilghinidek, bashqilargha qilin'ghan ziyankeshlikning yaman aqiwetlerni élip kélidighanliqini, shunga bu qétim sichüende yüz bergen yer tewresh apitining tengrining ewetken jazasi ikenlikini éytqan idi.
Xitay tashqi ishlar ministirliqining bayanatchisi ching gang, Sharin Stone ni bir sen'etchi bolush süpiti bilen, uning dölet bilen dölet, xelq bilen xelq otturisidiki öz - ara chüshinish we dostluqni ilgiri sürüshke töhpe qoshushini teshebbus qildi.