Зимбабвидики сайлам кризисиға дуч кәлди

Зимбабвида давамлишиватқан президент сайлими, октичи намзат тәрәпдарлириниң қолға елиниши билән кризисқа дуч кәлди. Һакимийәт бешидики президент Robert Muagabe тәрәпдарлири октичи гуруппиниң президент намзати Morgan Tsvangra тәрәпдарлириға қарита зораванлиқ һәрикәтлирини садир қилғандин кейин, октичи гуруппа намзати морган җүмә сайламдин чекингәнликини елан қилған.

Мухбиримиз шөһрәт һошур хәвири
2008.06.24

Шу күни сақчилар йәнә бир түркүм морган тәрәпдарлирини тутқун қилған. Морган өз қорасиниң сүйиқәстчиләрниң һуҗум нишани болғанлиқи һәққидә хәвәр алғандин кейин, зимбабвидики голландийә әлчиханисиға кирип панаһланған.

Дүшәнбә күни б д т бихәтәрлик кеңиши баянат елан қилип, зимбабвидики сайламниң давамлишишиниң имкансизлашқанлиқини, буниңға президент робәрт мугабе һөкүмити қозғиған зираванлиқ һәрикәтлири сәвәбчи икәнликини билдүрди.

Нөвәттә октичи намзат, морган голландийә әлчиханисида панаһлиниқлиқ, әмма президент мугаби сайламниң давамлишидиғанлиқини билдүрмәктә. У октичи намзат морганниң һаяти хәтәр астида икәнликини инкар қилиду. Морган болса, голландийә әлчиханисида сиясий панаһлиқ тилимигәнликини, пәқәт вақитлиқ панаһланғанлиқини билдүрмәктә.

Хитай зимбабивиниң 84 яшлиқ президенти мугабиниң йеқин қоллиғучиси. Хитай бүгүн зимбабиви сайлими һәққидики баянатида тәрәпләрни өзини тутувелишқа чақирған. Әмма сайламниң давамлишиши яки давамлашмаслиқи һәққидики соални җавабсиз қалдурған. Хәлқара хәвәрләр хитайниң зимбабви сайлам кризисидә йәнә бир қетим диктаторларға чапан япқанлиқини баян қилмақта.

Мунасивәтлик хәвәрләр

Дуня хәвәрлири

Көп көрүлгән хәвәрләр

RFA