Zimbabwidiki saylam krizisigha duch keldi

Zimbabwida dawamlishiwatqan prézidént saylimi, oktichi namzat terepdarlirining qolgha élinishi bilen krizisqa duch keldi. Hakimiyet béshidiki prézidént Robert Muagabe terepdarliri oktichi guruppining prézidént namzati Morgan Tsvangra terepdarlirigha qarita zorawanliq heriketlirini sadir qilghandin kéyin, oktichi guruppa namzati morgan jüme saylamdin chékin'genlikini élan qilghan.
Muxbirimiz shöhret hoshur xewiri
2008-06-24
Share

 Shu küni saqchilar yene bir türküm morgan terepdarlirini tutqun qilghan. Morgan öz qorasining süyiqestchilerning hujum nishani bolghanliqi heqqide xewer alghandin kéyin, zimbabwidiki gollandiye elchixanisigha kirip panahlan'ghan.

Düshenbe küni b d t bixeterlik kéngishi bayanat élan qilip, zimbabwidiki saylamning dawamlishishining imkansizlashqanliqini, buninggha prézidént robert mugabé hökümiti qozghighan zirawanliq heriketliri sewebchi ikenlikini bildürdi.

Nöwette oktichi namzat, morgan gollandiye elchixanisida panahliniqliq, emma prézidént mugabi saylamning dawamlishidighanliqini bildürmekte. U oktichi namzat morganning hayati xeter astida ikenlikini inkar qilidu. Morgan bolsa, gollandiye elchixanisida siyasiy panahliq tilimigenlikini, peqet waqitliq panahlan'ghanliqini bildürmekte.

Xitay zimbabiwining 84 yashliq prézidénti mugabining yéqin qollighuchisi. Xitay bügün zimbabiwi saylimi heqqidiki bayanatida tereplerni özini tutuwélishqa chaqirghan. Emma saylamning dawamlishishi yaki dawamlashmasliqi heqqidiki so'alni jawabsiz qaldurghan. Xelq'ara xewerler xitayning zimbabwi saylam kriziside yene bir qétim diktatorlargha chapan yapqanliqini bayan qilmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet