بېيجىڭ ئولىمپىك مۇسابىقىسى ئاخىرلىشىپ، يېپىلىش مۇراسىمى ئۆتكۈزۈلدى

يەكشەنبە كۈنى بېيجىڭدا 2008 - يىللىق بېيجىڭ ئولىمپىك تەنھەرىكەت يىغىنىنىڭ يېپىلىش مۇراسىمى ئۆتكۈزۈلدى. يېپىلىش مۇراسىمى سەنئەت نومۇرلىرى ۋە سالىيوتلار بىلەن داغدۇغىلىق ئۆتكۈزۈلگەن بولۇپ، بىر قىسىم دۆلەتلەرنىڭ باشلىقلىرى ۋە ۋەكىللىرى ئىشتىراك قىلدى.
مۇخبىرىمىز ئۈمىدۋار خەۋىرى
2008-08-24
Share

بۇ قېتىمقى ئولىمپىك يىغىنىدا خىتاي، ئامېرىكا ۋە رۇسىيە ئەڭ كۆپ ئالتۇن مېدال ئالغان دۆلەتكە ئايلانغان بولۇپ، خىتاي تەنھەرىكەتچىلىرى 51 ئالتۇن مېدال ئېلىش بىلەن ئولىمپىك تارىخىدىكى يېڭى رېكورتنى ياراتتى.

ئولىمپىك مۇراسىمىنىڭ يېپىلىشىدا 2012 - يىللىق ئولىمپىكنى ئۆتكۈزىدىغان دۆلەت ئەنگىلىيە ئىكەنلىكى ئېلان قىلىنغان بولۇپ، 2012 - يىللىق ئولىمپىك يىغىنى لوندوندا ئۆتكۈزۈلۈش شەرىپىگە سازاۋەر بولۇپ، مەشئەلنى تاپشۇرۇۋالدى.

ئەنگىلىيە ب ب س ئاگېنتلىقىنىڭ خەۋەر قىلىشىچە، ئەنگلىيە باش مىنىستىرى گوردون بروۋن مۇراسىمغا قاتناشقان، بروۋن بۇنىڭ ئالدىدا خىتاي رەئىسى خۇ جىنتاۋ بىلەن كۆرۈشۈپ ئىككى دۆلەت ھەمكارلىقلىرى ھەققىدە سۆھبەتلەشكەن ئىدى. يېپىلىش مۇراسىمىغا ئەنگىلىيىنىڭ بىر قىسىم چولپانلىرى ئىشتىراك قىلىپ، سەنئەت نومۇرلىرىنى كۆرسەتكەن.

بېيجىڭدا ئېچىلغان يېپىلىش مۇراسىمىدا كېلەركى قېتىملىق ئولىمپىكنىڭ لوندوندا ئۆتكۈزۈلىدىغانلىقى ئېلان قىلىنىۋاتقاندا لوندوندىمۇ داغدۇغىلىق مۇراسىملار ئۇيۇشتۇرۇلغان. ئەنگلىيە ئايال پادىشاھى ئەنگلىيە تەنھەرىكەتچىلىرىنىڭ بېيجىڭدا قولغا كەلتۈرگەن نەتىجىلىرىنى شۇنىڭدەك كېلەر قېتىملىق مۇراسىمنىڭ لوندوندا ئۆتكۈزۈلۈش شەرىپىگە ئېرىشكەنلىكىنى تەبرىكلىگەن.

23 - ئاۋغۇست كۈنى خەلقئارا گىمناستىكا جەمىيىتى خىتاي تەنتەربىيە كومىتېتىنىڭ گىمناستىكا مۇسابىقىسىدا ئالتۇن مېدال ئالغان خىتاي گىمناستىكا ماھىرلىرىنىڭ ياش ئەھۋالىنى ئېنىقلاپ بېرىشنى تەلەپ قىلغان.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت