Xitay hökümiti dalay lama bilen söhbet ötküzüshke teyyarliniwatidu

Xitayning hökümet bashqurushidiki shinxu'a axbarat agéntliqi, xitay hökümitining tibet rohaniy dahiysi dalay lamaning söhbet ötküzüsh toghrisidiki köp qétimliq iltimasni közde tutup, dalay lamaning wekili bilen uchrishishqa teyyarliniwatqanliqini xewer qildi.
Muxbirimiz erkin xewiri
2008-04-25
Share

 Shinxu'a axbarat agéntliqining xewiride " merkizi hökümetning dalay lamagha tutqan siyasiti birdek. Söhbet ishiki bashtin - axir uchuq," dep tekitligen. Xitay tibettiki namayishtin kéyin her qaysi dölet rehberlirining dalay lama bilen söhbet ötküzüsh heqqidiki chaqiriqigha duch kelgen. Fransiye prézidénti sarkoziy eger xitay dalay lama bilen körüshmise, olimpik musabiqisini échilish murasimini bayqut qilidighanliqini tekitligen .

Olimpik mesh'ili her qaysi döletlerde tibet, Uyghur we tibetni yaqlighuchi zatlarning shiddetlik qarshiliqigha uchrighan idi. Lékin shinxu'a agéntliqining xewiride dalay lamani eyibleydighan sözlerni yene tilgha aldi. Xewerde uchrishish we pikir almashturush arqiliq "dalay lamaning emili herikiti bilen wetenni parchilash pa'aliyiti, kishilerni zorawanliqqa küshkürtüsh, béyjing olimpik yighinigha buzghunchiliq qilish herikiti" ni toxtitishi, kéyinki qedemdiki söhbetke yol hazirlishini ümid qilidighanliqini tekitligen.

Daramsaladiki tibet sergerdan hökümitining bash ministiri samdong rénpochi, bu xewerge xitay hökümitining resmi teklipnamisini tapshurup alghanda inkas qayturidighanliqini bildürdi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet