Xitayning insan heqliri xatirisi amérika dölet mejliside yene tenqidke uchridi

Bügün amérika dölet mejlisining tashqi ishlar komisyoni "olimpik harpisidiki xitay" namida guwahliq yighini ötküzdi. Yighinda, xitayning insan heqliri xatirisi yene bir qétim tenqidke uchridi. Yighinda söz qilghan amérika awam palata ezaliridin Ros Lehtinen xitayning olimpik harpisida öktichi siyasiy heriketlerge qarita basturushni kücheytkenlikini tenqid qildi.
Muxbirimiz shöhret hoshur xewiri
2008.07.23
Share on WhatsApp
Share on WhatsApp

 U sözide xitayning, yéqinqi künlerde, olimpik wedisige tamamen xilap halda, basturushni kücheytkenlikini eskertip, xitayda olimpik yéqinlashqan mushu künlerdimu ölüm jazalirining ijra qiliniwatqanliqini, tutqun qilishning dawam qiliwatqanliqini tenqid qildi. U sözide yene, xitayning ziyankeshlikige uchrawatqanlar qatarida, falun'gungchilarni, xitay düshmini dep qaralghan öktichilerni, shimaliy koriyidin kelgen siyasiy iltijachilarnimu qoshup tilgha aldi.

Ros Lehtinen Sözide yene, xitayning darfur xelqi chékiwatqan zulum, bérmiliqlar tartiwatqan azaptimu sewebkarlar qatarida sanilidighanliqini bildürdi.
 U sözining axirida, xitayni olimpikning obrazigha izchil türde dagh chüshürüwatidu dep eyiblidi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.