Хитай бейҗиң олимпик мурасиминиң бихәтәрлик хизмитини җиддий күчәйтмәктә

Хитай даирилири бу йил 8 ‏ - айда өткүзүлидиған олимпик мурасими дуч келидиған һәр қандақ бир тәһдитниң алдини елиш үчүн, алаһидә сақчи қисим әтрити вә армийә қисимлирини өз ичигә алған 100 миң кишилик террорлуққа қарши һәрбий қисим һазирлашни пилан қилди.
Мухбиримиз әқидә хәвири
2008.06.19

 Һөкүмәт орган мәтбуатлиридин шинхуа агентлиқиниң пәйшәнбә күни билдүрүшичә, олимпик мәзгилидики бихәтәрликни нәзәрдә тутқан һөкүмәт, мушу айниң башлиридин буян, бир қатар һәрбий маневирларни өткүзүш билән биргә нуқтилиқ шәһәрләрдә чарлаш хизмитини күчәйткән.

Бейҗиң олимпик комитети бихәтәрликни қоғдаш оргининиң мәсули лю җаввуниң ейтишичә, 5" ‏ - номурлуқ чаңчең " намидики һәрбий маневирда химийилик оқ - дора һуҗумлириға зәрбә бериш ", " аптомобилда кетиветип оқ чиқармақчи болған мәргәнләрни йоқитиш" қатарлиқ һәр хил шәкилдики һуҗумларға тақабил турушқа охшаш һәрбий мәшиқләр елип берилған.

Люниң тәкитлишичә, нөвәттә бихәтәрлик, қатнаш, от кетишниң алдини елиш, террорлуққа зәрбә бериш шуниңдәк муһим шәхсләрни қоғдаш хизмитигә даир 500 дин артуқ муһим түрләр буйичә елип берилидиған тәйярлиқ хизмити ишлинип болған.

Хәвәрдә йәнә, бейҗиңниң шәһәр ичидики барлиқ пойиз истансилирида бихәтәрлик тәкшүрүши елип берилидиғанлиқи қәйт қилинған болуп, һөкүмәт орунлаштурған 150 миңдин артуқ бихәтәрликкә мәсул хадимдин башқа,өзини тизимлатқан 290 миң пидаий кочиларда чарлаш елип беришқа мәсул қилинған.

Бейҗиң олимпик тәнтәрбийә мурасиминиң ечилиш мурасими 8 - айниң 8 ‏ - күни рәсмий башланмақчи.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.