Хитай сақчилири веңәндә намайишчилардин нәччә йүз адәмни қолға алди

Гуйҗу өлкиси веңән наһийисидә 28 - июн шәнбә күни сақчилар билән пуқралар арисида бир қиз оқуғучиниң өлүми сәвәблик келип чиққан тоқунуш йәкшәнбә күни йерим кечидин ашқанда аран тинҗитилған болуп, хәвәрләргә қариғанда хитай сақчи даирилири намайишқа қатнашқучилиридин нәччә йүз адәмни қолға алған.
Мухбиримиз җүмә хәвири
2008.06.30

 Бирләшмә агентлиқида хәвәр қилинишичә, шәнбә күнидики тоқунуштин келип чиққан җиддийчилик тәсири таки дүшәнбә күнигичә пәсәймигән болуп, хитай қораллиқ сақчи қисимлири гүйяң шәһириниң шималиға җайлашқан веңән наһийисигә киргән һәмдә кочиларда чарлаш вә муһим доқмушларда җисәккә турушни давамлаштурған.

Хәвәрдә хоңкоңға җайлашқан кишилик һоқуқ учур мәркизиниң хәвәрлиридин нәқил кәлтүрүп көрситилишичә, сақчилар тоқунушқа қатнашқанлиқи гуман қилинған 300 нәпәр адәмни қолға алған.

Мәлум болушичә, зиянкәшликкә учрап өлүп кәткән қиз веңән наһийилик 3 - оттура мәктәп оқуғучиси болуп, бу қизниң өлүмигә алақидар үч нәпәр гумандарниң иккиси веңән сақчиханидики хадимлар билән туғқанчилиқ мунасивити бар болғачқа қоюветилгән.

Нәтиҗидә, сақчиларниң мәзкур қилмишидин ғәзәпкә кәлгән амма адаләт тәләп қилип веңән сақчиханиси алдиға йиғилған һәмдә тоқунушта бир нәччә сақчи аптомобилиға от қоювәткән.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.