Яң җечи, шаңхәй һәмкарлиқ тәшкилатиға әза дөләтләрни өз - ара һәмкарлиқини күчәйтишкә чақирди
Мухбиримиз өмәр қанат хәвири
2008.07.26
2008.07.26
Сөзидә, шаңхәй һәмкарлиқ тәшкилатиға әза дөләтләрниң, келәр ай таҗикистанда өткүзүлидиған дөләт башлиқлири алий дәриҗилик йиғиниға тәйярлиқ көрүш үчүн, өз - ара сиясий учришишларни техиму көпәйтиши керәкликини тәкитлигән хитай ташқи ишлар министири яң җечи, әза дөләтләр болупму террорчилиққа қарши туруш вә бихәтәрлик мәсилсидә мәвҗут һәмкарлиқини техиму күчәйтиши керәк дәп, көрсәткән.
Хитай һөкүмитиниң, шаңхәй һәмкарлиқ тәшкилатиға алаһидә әһмийәт беридиғанлиқини вә тәшкилатниң пүтүн паалийәтлиригә актип қатнишиватқанлиқи әскәрткән яң җечи, бейҗиң һөкүмити шаңхәй һәмкарлиқ тәшкилатини тәрәққи қилдуруш үчүн әза дөләтләр билән ишләшкә тәйяр, дегән.