Хитайда йүз бәргән йәр тәврәштә өлгән адәм сани12 миңдин ашиду

 Хитай һөкүмәт мәтбуатлириниң бу һәқтә бәргән хәвиридә ейтилишичә, бу қетимқи йәр тәврәштә, апәткә учриған җайлардин бири болған мийәняң шәһиридила өлгәнләр сани 7 миңдин ашқан, 13 ‏ - май күни кәч саәт 7 гә қәдәр, йәр тәврәш апити сичүән, гәнсу, шәнши, чуңчиң, йүннән, шәнши, гүйҗу, хубей қатарлиқ 8 өлкә ‏ - шәһәргичә кеңәйгән, өрүлүп чүшкән өй сани 500 миңға йәткән.

Хәвәрләрдин ашкарилинишичә, апәт райониға ярдәм бериш ишлири җиддий елип бериливатқан болуп, хитайниң ички ярдәмлиридин сирт, америка апәт райониға 500 миң доллар ярдәм беридиғанлиқини, тәйвән тәрәпму ярдәм беришкә тәйяр икәнликини билдүргән.

Нөвәттә, апәт йүз бериштин илгири районға зиярәт қилиш үчүн кәлгән чәтәллик саяһәтчиләр билән алақә үзүлүп қалған болуп, буниң ичидә 15 нәпәр әнглийилик саяһәтчиниң һаят вә яки өлгәнлики тоғрисида ениқ хәвәр йоқ икән.

Хитай даирилири елан қилған статистикилиқ мәлуматқа қариғанда, һазирға қәдәр йәр тәврәштә өлгән омумий адәм сани 12 миңдин ашиду.