xitay hökümet metbu'atlirining bu heqte bergen xewiride éytilishiche, bu qétimqi yer tewreshte, apetke uchrighan jaylardin biri bolghan miyenyang shehiridila ölgenler sani 7 mingdin ashqan, 13 - may küni kech sa'et 7 ge qeder, yer tewresh apiti sichü'en, gensu, shenshi, chungching, yünnen, shenshi, güyju, xubéy qatarliq 8 ölke - shehergiche kéngeygen, örülüp chüshken öy sani 500 minggha yetken.
xewerlerdin ashkarilinishiche, apet rayonigha yardem bérish ishliri jiddiy élip bériliwatqan bolup, xitayning ichki yardemliridin sirt, amérika apet rayonigha 500 ming dollar yardem béridighanliqini, teywen terepmu yardem bérishke teyyar ikenlikini bildürgen.
nöwette, apet yüz bérishtin ilgiri rayongha ziyaret qilish üchün kelgen chetellik sayahetchiler bilen alaqe üzülüp qalghan bolup, buning ichide 15 neper en'gliyilik sayahetchining hayat we yaki ölgenliki toghrisida éniq xewer yoq iken.
xitay da'iriliri élan qilghan statistikiliq melumatqa qarighanda, hazirgha qeder yer tewreshte ölgen omumiy adem sani 12 mingdin ashidu.