'amérika awazi' bu qétimqi yer tewreshte xitayning yadro tetqiqat tejribixanisi we uran tawlaydighan zawuti jaylashqan myenyang shehirining gu'angyu'en dégen yéride 10 nechche ming adem öldi, dep bayan qilghan idi. xitay dölet mudapi'e pen - téxnika sana'et idarisining bashliqi chén chyufa yéqinda 'junggoning herbiy sana'iti sichü'ende yüz bergen yer tewreshte qattiq zexmilendi' dédi. gerche xitay hökümiti sichü'ende yüz bergen yer tewreshtin kéyinla, 'junggoning yadro tetqiqat esliheliri tamamen bixeter' dep jakarlighan bolsimu.
xewerde bayan qilinishiche, en'gliyidiki jeynis mudapi'e neshriyat guruppisining bayan qilishiche, sichü'ende yüz bergen yer tewreshte xitayning herbiy sana'iti we yadro esliheliri éghir derijide zexmilen'gen, körülgen ziyan texminen 67 milyard yü'en.
'xitay xewer tori'ning bayan qilishiche, yer tewresh yüz bergen wénchu'en rayoni tibetler topliship olturaqlashqan rayon idi. hazir tébet mesilisining xelqarada barghanséri sezgür mesile bolup qéliwatqanliqi we xitayning yadro eslihelirining yer tewreshtin kéyinki ehwali xitay hökümitining özigimu téxiche éniq bolmighanliqi üchün, xitay hökümiti chetellerning qutquzush etretlirining kélishini ret qilghan.