Xu jintaw wladimir putinni tebriklidi

Rusiye prézidénti wladimir putinning rusiyidiki eng chong we hakimiyettiki "rusiye birlik partiyisi"ning re'isi bolghanliqi munasiwiti bilen xitay re'isi xu jintaw 19 - april küni mexsus tebrikname ewetip uni tebriklidi.
Muxbirimiz ümidwar xewiri
2008.04.20

Shinxu'aning körsitishiche, xu jintaw xétide özining shexsiy namidin putini qizghin tebrikleydighanliqini bildürüsh bilen birge yene "junggo kompartiyisi bilen rusiye birlik partiyisi qoyuq, dostane hemkarliq munasiwitige ige.

Köp yillardin buyan ikki partiye özara ishinish hem chüshinish alaqiliri élip bérip, junggo - rusiye istratégiyilik shériklik munasiwetlirining mezmunlirini béyitti, junggo kompartiyisi musteqil özige özi xoja bolghan, toluq barawerlik hem özara hörmet qilish, bir - birining ichkin ishigha arilashmasliq prinsipliri asasida mezkur partiye bilen bolghan dostluq we hemkarliq munasiwetlirini téximu ilgiri sürüp we chongqurlashturup, junggo - rusiye munasiwetlirini omumiy yüzlük rawajlandurushni ümid qilidu" dep körsetken.

 15 - April küni ötküzülgen rusiye birlik partiyisining 9 - qurultiyida putinning mezkur partiyining ezasi bolmighan ehwalgha qarimay, uninggha re'islik wezipisini atqurush teklip qilin'ghan bolup, putin bu teklipni qobul qilghan hemde 7 - may küni özining prézidéntliq wezipisi axirlashqandin kéyinla bu wezipini atquridighanliqi shuningdek yene rusiye hökümitining bash ministiri bolidighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.