خۇنەندە بۈگۈن بىر پۇقرا يەرلىك ھۆكۈمەت ئىشخانىسىغا ئوت قويۇپ 12 ئادەمنى زەخمىلەندۈردى

خىتاي ھۆكۈمىتى بېيجىڭدا ئۆتكۈزىلىدىغان ئولىمپىك مۇسابىقىسىنى قوغداش ئۈچۈن، جايلاردا جىدىي ۋەقە يۈز بېرىشنىڭ ئالدىنى ئېلىش لازىملىقىنى جاكارلاپ كېلىۋاتقان مۇشۇ پەيتتە، بۈگۈن خۇنەندە تيەن كەييۈ ئىسىملىك بىر پۇقرا ئۆيىنىڭ ھۆكۈمەت تەرىپىدىن 'قانۇنسىز تۇرالغۇ' دەپ چېقىۋېتىلگەنلىكىگە قاتتىق غەزەپلىنىپ، جاڭ جاجې كوچىسى ئاھالە كومىتېتى دەپ ئاتىلىدىغان يەرلىك ئاساسى قاتلام ھۆكۈمەت ئىشخانىسىدا ئىككى قوتا پرىسلانغان گازنى پارتلىتىپ ئوت قويغان. بۇ ۋەقەدە 12 ئادەم زەخمىلەنگەن.