Хитайниң явайи һайванларни експорт қилишни риғбәтләндүрүватқанлиқи мәлум

Мухбиримиз җүмә
2020-04-12
Елхәт
Пикир
Share
Принт
Корона вирусиниң тарқилиш мәнбәси икәнлики илгири сүрүлгән вухәндики хуанән явайи һайванат мәһсулатлири базири. 2020-Йили март.
Корона вирусиниң тарқилиш мәнбәси икәнлики илгири сүрүлгән вухәндики хуанән явайи һайванат мәһсулатлири базири. 2020-Йили март.
Social Media

Хитай һөкүмити корона вируси сәвәблик хитайдики явайи һайванлар базирини тақиған болсиму, әмма бәзи явайи һайванларниң експорт қилинишини риғбәтләндүрүватқанлиқи мәлум.

«Вал стрет журнили гезити» ниң хәвиригә қариғанда, даириләр бәзи явайи һаян содигәрлиригә әгәр маллирини чәтәлләргә експорт қилса баҗ кәчүрүм қилинидиғанлиқини билдүргән.

Хитай хәлқ қурултийи 24-феврал қарар чиқирип хитайда явайи һайванларниң сетилиши вә истемал қилинишини чәклигән. Улар әйни чағда буниң аммиви сағламлиқиға еғир тәһдит яритидиғанлиқини ейтқан.

Һалбуки, мартниң оттурилириға кәлгәндә хитай малийә тармақлири йегили болидиған йилан, ташпақа, маймун, қундуз қатарлиқларни өз ичигә алған һайванат мәһсулатлири експортиға 9 пирсәнт баҗ кәчүрүм қилинидиғанлиқини билдүргән.

Хәвәргә қариғанда, хитайниң бу қарари, корона вируси сәвәблик астилиған хитай иқтисадини илгири сүрүш үчүн пайдилиқ болсиму, хитайда чәклигән явайи һайванларни чәтәлләргә експорт қилиш дуня базирини хәтәргә иттиридикән.

Хитайниң вухән шәһиридә байқилип нөвәттә дуняви вабаға айланған корона вирусиниң вухәндики бир явайи һайванат мәһсулатлири базиридин тарқалғанлиқи илгири сүрүлгән иди.

Бу вирус нөвәттә дуняниң һәммә җайлириға дегүдәк ямрап 1 милйон 800 миңға йеқин адәмни юқумландурған.

Пикирләр (0)
Share
Толуқ бәт