Явропа парламенти әзалири явропа-хитай мәбләғ селиш келишимини бузушқа һазирланған

Мухбиримиз мәмәтҗан җүмә
2021-01-31
Share
явропа парламенти әзалири явропа-хитай мәбләғ селиш келишимини бузушқа һазирланған Явропа парламенти хәлқара сода комитетида вәзипә өтәватқан иреландийә вәкили баррй андревс.
Social Media

Явропа парламенти әзалири уйғур кишилик һоқуқ мәсилиси сәвәблик йеқинда һазирланған явропа-хитай мәбләғ селиш келишимини бузушқа тәрәддут қилған.

Иреландийәдин чиқидиған "мустәқиллиқ" гезитиниң хәвәр қилишичә, көплигән парламент әзалири мәзкур келишимни хитайда хоңкоң вә уйғурларға қаритилған бастуруш давам қиливатқан шараитта алдирап-тенәп түзүлгән келишим, дәп қарайдикән.

Явропа бирлики билән хитай арисидики мәбләғ селиш келишими 2020-йили декабирда түзүлгән болуп, бу келишим хәлқара кишилик һоқуқ органлири җүмлидин америка вә әнглийә қатарлиқ әлләрниң күчлүк тәнқидигә учриған.

"йеңи явропа" торида бу һәқтә берилгән бир парчә мулаһизидә, келишимниң хитайдики кишилик һоқуқ мәсилисигә орун бәрмигәнлики, буниң явропа үчүн бир балайиапәттин дерәк беридиғанлиқи көрситилгән иди.

Явропа парламенти хәлқара сода комитетида вәзипә өтәватқан иреландийә вәкили баррй андревс хитай билән болған мәсилиләрниң күнсери күчийиватқанлиқини ейтқан.

У иреландийә "мустәқиллиқ" гезитигә мундақ дегән: "парламент ичидики бу келишимгә қарши өктичиләр күнсери күчийиватиду. Бу, хоңкоң вә уйғурларниң мәҗбурий әмгики билән мунасивәтлик."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт