鮮榨橙汁、三寶飯、梅菜蒸豬肉、羅漢果菜干湯、自製芝麻湯丸、還有涼茶燉品都是"人人冰室"的地道港式和粵式招牌美食。可惜,"人人冰室"的老闆關榮濯今年已70歲,兒女又志不在餐飲業,早有計畫在年底租約到期時結束營業。
他說:"做咗咁多年,多多少少都有感情,人是血肉之驅,但係做我個行業,年紀大,體力各方面都無法勝任。以前D後生(兒女)禮拜尾來幫下手都得,而家佢地都大個,有佢地嘅工作,好少來幫手。家陣自己既太太都70歲,你自己做,佢又跟埋你做,大家捱,無意思。今次退休純粹係年紀大,加上自己來到美國後邊到都未去過,做人唔通做到行唔得先唔做咩﹗"
關榮濯表示,1967年開業的"人人冰室"已經做了三代老闆,對上一手老闆陳先生也做了十年,他自81年起接手做到現在,從未休息過,其中有十年在皇后區還開了間分店,做到租約期滿,才返回唐人街專營老店。
他說:"我自己有一段時間走左去Queens(皇后區)開了一間"人人冰室",當時我係Queens做,太太係呢到(唐人街)做,晚上收工後開車到唐人街接太太一齊返屋企。(兩間都做廣東菜﹖)同一樣style(款式),(那間餐館生意比較好﹖),唐人街的生意額唔夠入面(皇后區)好,入面粥粉麵飯一齊來,呢到清涼飲料、碟頭飯、燉品湯水,比較多元化,入面做燒味,餐館面積大,不同做法。呢到食物比較地道D,涼茶都好似香港style整出來,我哋嘅芝麻糊都係正宗用芝麻自己炒、自己磨、自己煮。"
回顧過去幾十年的辛苦經營,關榮濯笑言"人人冰室"養大他們四個兒女,讓他們讀書成材,有自己的事業。
他說:"過去幾十年,總括來說,本人唔會大富大貴,但平平穩穩,靠自己勤力做工作,兩餐都搵到,你唔做工作,梗係無啦,呢個係事實。"
對於過去幾十多年來,華埠的變遷,以及老牌商店紛紛結業的情況,關榮濯表示,老一輩年紀已大,新一輩又無興趣繼續接手經營,加上租金上漲和經濟不境氣,是造成華埠商家紛紛關門的主要原因。
他說:"我覺得從911到現在呢段時間,今次風災影響最大,911都無咁緊要,風災後餐館重開的一個月,差不多一半生意都做唔到,個段時間都無人來,少咗一半既顧客,唔好講話來食野,唐人街也少咗一半既人係到行,咁你話係唔係成個唐人街淡晒,人流少D生意梗係差。"
關榮濯表示,1974年從香港移民到美國後,未有到過任何地方。他退休後首先會返香港,然後再返回自己的故鄉廣東開平,探望自己的親人,至於退休生活,返回美國後再作打算。