逾千萬製作歌劇申資助僅批70萬 港著名男高音批:楔牙罅都唔夠

香港歌劇院為紀念著名歌劇作曲家浦契尼(Giacomo Puccini)逝世百周年,改編其名作《杜蘭朵》並融入中國元素上演,但向文化藝術盛事基金申請1500萬元資助,最終只獲批70萬元,香港歌劇院藝術總監莫華倫形容「雞碎咁多,楔牙罅都唔夠」。

莫華倫被喻為「中國三大男高」之一,他在恒生大學傳播學院訪問中主動提出「講吓Mega Fund(盛事基金),呢排最hit」。他說,原本滿懷希望《杜蘭朵》能納入香港文化盛事活動,透過大規模宣傳,吸引大灣區及世界各地遊客,「點知申請咗,又上去做咗好多程序,最尾畀咗雞碎咁多錢,我哋申請1500萬,佢畀得70萬。」

莫華倫指當局並無解釋箇中原因,「完全冇任何理由,畀粒糖你食,塞住你把口,但塞唔住我把口,我而家就講出嚟畀大眾聽,盛事基金只係畀我哋70萬,點解?乜嘢叫盛事?歌劇唔係盛事咩?」

批評港府搞文化「紙上談兵」

他說歌劇並非「高不可攀」,現已是全球普及的文化藝術,穿牛仔褲、T恤亦可入場欣賞,而既然政府標榜香港是「Asia's World City」(亞洲國際都會),「唔該你(政府)文化跟埋上去啦,你淨係紙上談兵,放啲無人飛機,咁就當叫做有文化咩?喺灣仔擺嗰啲夜市一個月,咁就叫有文化咩?」

身為中國全國政協委員的莫華倫坦言說話「唔客氣」、很大膽,還特別要求「唔好cut呢段,要畀政府聽⋯⋯為咗香港好、國家好,所以我講嘅係實話。」《杜蘭朵》本月中在香港文化中心大劇院演出5場,能容納的觀眾上限為8670人。

編輯:李向陽(台北) 網編:池煥衡