នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃសុក្រ ទី២៥ ខែតុលា ពិភាក្សាលើប្រធានបទ៖ តើមានអ្វីនៅពីក្រោយការនិយាយទម្លាក់កំហុសលើខ្លួនឯងរបស់អ្នកជាប់ឃុំមួយចំនួន?
អ្នកជាប់ឃុំដោយសារការបញ្ចេញមតិ និងអ្នកជាប់ឃុំផ្នែកនយោបាយមួយចំនួន បានចេញវីដេអូសុំទោស លោក ហ៊ុន សែន និងលោក ហ៊ុន ម៉ាណែត ហើយនិយាយទម្លាក់កំហុសលើខ្លួនឯង ឬចុះចូលជាមួយគណបក្សកាន់អំណាច ដើម្បីទទួលបានការដោះលែងឱ្យនៅក្រៅឃុំ។
តើមានអ្វីនៅពីក្រោយការនិយាយដាក់បន្ទុកលើខ្លួនឯងបែបនេះ? តើពលរដ្ឋនឹងជឿជាក់ទៅលើការនិយាយបកស្រាយទាំងនេះដែរ ឬទេ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក យ៉ង ចាន់តារា ជាមួយលោក ស៊ឹង សែនករុណា អ្នកឃ្លាំមើលសិទ្ធិមនុស្ស និងសង្គម និងលោក វឿន វាសនា អតីតអ្នកទោសនយោបាយ ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី២៥ ខែតុលា ឆ្នាំ២០២៤៕