នាទីវេទិកាអ្នកស្ដាប់វិទ្យុអាស៊ីសេរី នារាត្រីថ្ងៃសុក្រ ទី៣០ សីហា ជជែកពិភាក្សាលើប្រធានបទ៖ តើក្នុងរយៈពេលមួយឆ្នាំកន្លងទៅនេះ លោក ហ៊ុន ម៉ាណែត ដោយមានលោក ហ៊ុន សែន នៅពីក្រោយផងនោះ សម្រេចបានអ្វីខ្លះ ក្នុងការពង្រឹងអំណាច នៃក្រុមគ្រួសារត្រកូល ហ៊ុន?
គិតមកដល់ត្រឹមខែសីហា ឆ្នាំ២០២៤ រដ្ឋាភិបាលថ្មីរបស់លោក ហ៊ុន ម៉ាណែត ឡើងកាន់អំណាចបានមួយឆ្នាំពេញហើយ។
លោកអ្នកនាងកញ្ញា ប្រហែលជាបានឮ ឬក៏បានអានជាហូរហែមកហើយ នូវការវិភាគវាយតម្លៃពីមជ្ឈដ្ឋានចំរុះនានា រួមទាំងពីខាងរដ្ឋាភិបាល ក្រុមអ្នកវិភាគ និងក្រុមសារព័ត៌មានផងថា តើការកាន់អំណាចក្នុងរយៈពេលមួយឆ្នាំកន្លងទៅនេះ រដ្ឋាភិបាលលោក ហ៊ុន ម៉ាណែត បានធ្វើ ឬមិនបានធ្វើអ្វីខ្លះសម្រាប់ប្រជាជាតិខ្មែរ។
នៅថ្ងៃសុក្រយប់ទី៣០ សីហា នាទីវេទិកាអ្នកស្ដាប់វិទ្យុអាស៊ីសេរី នឹងលើកយកជ្រុងថ្មីមួយ នៃការកាន់អំណាចរបស់សមាជិកក្រុមគ្រួសារត្រកូល ហ៊ុន មកពិភាក្សា ដោយពិនិត្យមើលថា តើក្នុងរយៈពេលមួយឆ្នាំកន្លងទៅនេះ លោក ហ៊ុន ម៉ាណែត ដោយមានលោក ហ៊ុន សែន នៅពីក្រោយផងនោះ សម្រេចបានអ្វីខ្លះ ក្នុងការពង្រឹងអំណាច នៃក្រុមគ្រួសារត្រកូល ហ៊ុន?
បើពិនិត្យមើលផ្នែកលុយកាក់វិញ ក្នុងចំណោមមនុស្សនៃក្រុមគ្រួសារត្រកូល ហ៊ុន និងបក្ខពួក តើពួកគេបានបង្កើនទ្រព្យសម្បត្តិបានប៉ុណ្ណា និងតាមរូបភាពណា ក្នុងរយៈពេលមួយឆ្នាំមកនេះ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម និងលោក គឹម សុខ អ្នកធ្វើអត្ថាធិប្បាយនយោបាយ ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី៣០ ខែសីហា ឆ្នាំ២០២៤៕