បញ្ហា​ទិដ្ឋាការ​ខ្មែរ​នៅ​អាកាស​យានដ្ឋាន​អន្តរជាតិ​ភ្នំពេញ

ពលរដ្ឋ​ខ្មែរ​អាមេរិកាំង​នៅ​សហរដ្ឋ​អាមេរិក បាន​ត្អូញត្អែរ​ថា ពួកគេ​តែង​ជួប​ផល​លំបាក​ក្នុង​ការ​ធ្វើដំណើរ​ទៅ​លេង​បង​ប្អូន​នៅ​ប្រទេស​កម្ពុជា ដោយសារ​បញ្ហា​ទិដ្ឋាការ ឬ Visa ហាក់​មាន​ភាព​មិន​ប្រក្រតី។
ដោយ តាំង សារ៉ាដា
2010-07-22
អ៊ីម៉ែល
មតិ
Share
បោះពុម្ព
អាកាស​យានដ្ឋាន​អន្តរជាតិ​ភ្នំពេញ
អាកាស​យានដ្ឋាន​អន្តរជាតិ​ភ្នំពេញ
RFA/Uon Chhin

ពលរដ្ឋ​ខ្មែរ​អាមេរិកាំង​ម្នាក់ ដែល​បាន​អត្ថាធិប្បាយ​តាម​សារ​អេឡិចត្រូនិក​ក្នុង​លក្ខខណ្ឌ​មិន​បញ្ចេញ​ឈ្មោះ​ថា នៅ​ពេល​គេ​ធ្វើ​ដំណើរ​ទៅ​កាន់​ប្រទេស​កម្ពុជា ម្តងៗ តែង​ជួប​ឧបសគ្គ​ក្នុង​ការ​ប្រើប្រាស់​ទិដ្ឋាការ​ដែល​គេ​ទទួល​បាន​ពី​សហរដ្ឋ​អាមេរិក។

ប្រភព​ដដែល​បាន​ឲ្យ​ដឹង​ថា នៅ​ពេល​គេ​ទៅ​ដល់​អាកាស​យានដ្ឋាន​អន្តរជាតិ​រាជធានី​ភ្នំពេញ គេ​ត្រូវ​ចំណាយ​លុយ​ឲ្យ​ក្រុម​មន្ត្រី​នគរបាល ដែល​ទទួល​បន្ទុក​ខាង​ទិដ្ឋាការ​ចំនួន ៣០​ដុល្លារ​ថែម​ទៀត បើ​ទោះ​បី​ជា​ពលរដ្ឋ​ខ្មែរ​អាមេរិកាំង​ខ្លះ​មាន​ទិដ្ឋាការ​ដែល​ស្ថានទូត​ខ្មែរ​ក្នុង​សហរដ្ឋ​អាមេរិក​ផ្ដល់​ឲ្យ​ក៏ដោយ។

ប្រភព​បាន​បន្ថែម​ថា មន្ត្រី​នគរបាល​ខាង​ទិដ្ឋាការ​មួយ​ចំនួន​អះអាង​ថា ទិដ្ឋាការ​ដែល​គេ​បាន​ពី​សហរដ្ឋ​អាមេរិក មិន​មាន​ប្រសិទ្ធភាព​ដូច​ទិដ្ឋាការ​ដែល​គេ​ចេញ​ឲ្យ​នៅ​អាកាស​យានដ្ឋាន​អន្តរជាតិ​ភ្នំពេញ​នោះ​ឡើយ។

ប្រតិកម្ម​របស់​ពលរដ្ឋ​ខ្មែរ​អាមេរិកាំង​រូប​នេះ ធ្វើ​ឡើង​នៅ​បន្ទាប់​ពី​លោក ហែម ហេង ឯក​អគ្គ​រាជទូត​ខ្មែរ​ប្រចាំ​សហរដ្ឋ​អាមេរិក បាន​មាន​ប្រសាសន៍​ថា ស្ថានទូត​ខ្មែរ​ផ្ដល់​ទិដ្ឋាការ​ដល់​ពលរដ្ឋ​ខ្មែរ​អាមេរិកាំង​ទូទៅ​ដោយ​ឥត​គិត​ថ្លៃ។

ឆ្លើយ​តប​នៅ​នឹង​ប្រតិកម្ម​របស់​ពលរដ្ឋ​ខ្មែរ​អាមេរិកាំង ដែល​បាន​លើក​ឡើង​អំពី​បញ្ហា​ទិដ្ឋាការ​នោះ ឯក​អគ្គ​រាជ​ទូត​ខ្មែរ លោក ហែម ហេង ថ្លែង​ថា កន្លង​មក​លោក​តែង​ឮ​ពាក្យ​ចចាមអារ៉ាម​ថា មាន​សមត្ថកិច្ច​ខ្លះ​នៅ​អាកាស​យានដ្ឋាន បាន​យក​លុយ​ពី​ពលរដ្ឋ​ខ្មែរ​ដែល​ទៅ​ពី​បរទេស​មែន ប៉ុន្តែ​ក្រសួង​ការបរទេស​សហការ​ជាមួយ​ក្រសួង​មហាផ្ទៃ បាន​ខិតខំ​បំបាត់​បញ្ហា​នេះ។

លោក ហែម ហេង មាន​ប្រសាសន៍​ដូច្នេះ ៖ «តាម​ពិត​បង​ប្អូន​ដែល​បាន​ទិដ្ឋាការ​ពី​ស្ថានទូត ឬ​ស្ថាន​កុងស៊ុល​របស់​យើង​នៅ​ក្រៅ​ប្រទេស​ហើយ គឺ​ថា អត់​មាន​ត្រូវ​បង់​អី​ទៀត​ទេ វា​ស្រប​ច្បាប់​ហើយ ហើយ​មនុស្ស​ដែល​ថា មក​សុំ​លុយ​សុំ​កាក់​អី ថា​របស់​ហ្នឹង​វា​មិន​ល្អ​អី អ្នក​ហ្នុង​ជា​មនុស្ស​ខូច ហើយ​ជា​បុគ្គល​ប៉ុណ្ណោះ»

លោក ហែម ហេង បន្ត​ថា ពលរដ្ឋ​ទាំង​ឡាយ​ត្រូវ​រាយការណ៍​ទៅ​នគរបាល​រាជធានី​ភ្នំពេញ អំពី​សកម្មភាព​ទារ​លុយ​ណា​មួយ​ដែល​ធ្វើ​ឡើង​ដោយ​ក្រុម​សមត្ថកិច្ច​នៅ​អាកាស​យានដ្ឋាន​អន្តរជាតិ​ភ្នំពេញ។

លោក ហែម ហេង មាន​ប្រសាសន៍​បន្ថែម​ថា ៖ «ចំពោះ​រឿង​នេះ សុំ​​ឲ្យ​មាន​ការ​សហការ​ទាំង​អស់​គ្នា ពីព្រោះ​ការ​ដែល​បុគ្គល​ធ្វើ​ហ្នឹង​គេ​លួច​ធ្វើ​ទេ ធ្វើ​ម៉េច​នឹង​ក្រសួង​ដឹង ដូច្នេះ​សូម​បង​ប្អូន​ដែល​ទទួល​រង​ហ្នឹង សូម​ឲ្យ​ប្ដឹង សូម​ឲ្យ​រាយការណ៍​ទៅ​ប៉ូលិស​ហ្នឹង​ទៅ អា​ហ្នឹង​ទើប​យើង​អាច​ចាត់​វិធានការ​បាន»

គួរ​បញ្ជាក់​ផង​ដែរ​ថា ទិដ្ឋាការ ឬ Visa សម្រាប់​ពលរដ្ឋ​ខ្មែរ​អាមេរិកាំង​ជា​ទិដ្ឋាការ​អចិន្ត្រៃយ៍​ប្រភេទ K និង​ជា​ទិដ្ឋាការ​ដែល​គេ​អាច​ទទួល​បាន​ដោយ​ឥត​គិត​ថ្លៃ ហើយ​សុំ​តែម្ដង​អាច​ប្រើ​បាន​រហូត​ដល់​លិខិត​ឆ្លង​ដែន​អស់​សុពលភាព ឬ​ផុត​ថ្ងៃ​កំណត់។

ជា​រឿយៗ វិទ្យុ​អាស៊ី​សេរី​តែង​ទទួល​បាន​លិខិត​ត្អូញត្អែរ​ពី​ភ្ញៀវ​ទេសចរណ៍​ខ្មែរ​អាមេរិកកាំង ដែល​ធ្វើ​ដំណើរ​ទៅ​លេង​ប្រទេស​កម្ពុជា ដែល​អះអាង​ថា ពួកគេ​តែង​ជួប​បទ​ពិសោធន៍​សឹង​គ្រប់ៗ​គ្នា អំពី​ក្រុម​ប៉ូលិស​អន្តោប្រវេសន៍​ដែល​ធ្វើការ​ពិនិត្យ​លើ​លិខិត​ឆ្លង​ដែន​របស់​អ្នក​ធ្វើ​ដំណើរ តែង​ទារ​លុយ​ក្រៅ​ផ្លូវការ​ពី​ភ្ញៀវ​ទេសចរណ៍។

ជុំវិញ​បញ្ហា​នេះ លោក ហែម ហេង ក៏​បាន​ទទួល​ស្គាល់​ផង​ដែរ​ថា ប្រសិន​បើ​សមត្ថកិច្ច​នៅ​តាម​អាកាស​យានដ្ឋាន​ឆ្លៀត​ឱកាស​យក​លុយ​ពី​ភ្ញៀវ​ទេសចរណ៍​ជាតិ និង​អន្តរជាតិ នៅ​តែ​បន្ត​កើត​មាន​នោះ នឹង​ធ្វើ​ឲ្យ​មុខ​មាត់​របស់​កម្ពុជា កាន់​តែ​អាប់ឱន។

លោក ហែម ហេង មាន​ប្រសាសន៍​ដូច្នេះ ៖ «ការ​ពិត​ហើយ ប្រសិន​បើ​ជា​មាន​មន្ត្រី​ខ្លះ​គាត់​នៅ​តែ​លួច​ធ្វើ​អ៊ីចឹង​ទៀត គឺ​ថា វា​ធ្វើ​ឲ្យ​ប៉ះ​ពាល់​មុខ​មាត់​ប្រទេស​ជាតិ។ កាល​ណា​វា​ធ្វើ​ឲ្យ​ប៉ះពាល់​ដល់​មុខ​មាត់​ប្រទេស​ជាតិ វា​ធ្វើ​ឲ្យ​ចំនួន​អ្នក​ទៅ​ទស្សនា​ស្រុក​ខ្មែរ​ហ្នឹង​វា​អាច​ថយ​ចុះ ដោយសារ​គេ​អន់​ចិត្ត ពីព្រោះ​ជួនកាល​ពេល​គេ​ត្រឡប់​មក​វិញ គេ​និយាយ​ប្រាប់​មិត្ត​ភក្ដិ ឬ​ប្រាប់​អ្នក​ផ្សេង​ទៅ វា​ធ្វើ​ឲ្យ​បញ្ហា​ហ្នឹង​កាន់​តែ​រីក​ធំ ហើយ​រាជ​រដ្ឋាភិបាល​តែង​តែ​ចាត់​វិធានការ​លុប​បំបាត់​នូវ​អំពើ​អសកម្ម​ទាំង​នេះ ប៉ុន្តែ​នៅ​តែ​មាន​ត្រីងៀត​ឆ្លៀត​ពង។ តែ​ទោះ​បី​ជា​យ៉ាង​ណា​ក៏ដោយ រាជ​រដ្ឋាភិបាល​នឹង​ខិតខំ​ធ្វើ​យ៉ាង​ណា​ឲ្យ​អស់ ដើម្បី​ជំរុញ​ភ្ញៀវ​ទេសចរណ៍​ឲ្យ​ធ្វើ​ទៅ​ធ្វើ​ទស្សនកិច្ច​នៅ​ស្រុក​ខ្មែរ​កាន់​តែ​ច្រើន​ថែម​ទៀត»

ពលរដ្ឋ​ខ្មែរ​នៅ​សហរដ្ឋ​អាមេរិក​ជា​ច្រើន​និយាយ​ថា ប្រសិន​បើ​បញ្ហា​ទិដ្ឋាការ​ទៅ​កម្ពុជា ឧបសគ្គ​ដ៏​ស្មុគស្មាញ​ក្នុង​ការ​ធ្វើ​ដំណើរ​ដូច្នេះ​នោះ កម្ពុជា​អាច​ធ្លាក់​ចុះ​នូវ​វិស័យ​ទេសចរណ៍​ដែល​ជា​ដង្ហើម​សេដ្ឋកិច្ច​ដ៏​ធំ​របស់​ប្រទេស៕

ព័ត៌មាន (6)
Share

អ្នក​អាន​អនាមិក

And I got same complaints at borders, I have to pick up my guests from border with Thailand and Laos. Poipet, the police officer asked at least 5 dollars and at Laos border, Dom Kralor, they ask one or two dollars more even my guests have got visa from their country. Just after stamped on passport, they asked my guests for money.

And some guests told me, they traveled in so many countries and they never see like that. For me it's really bad for image of Cambodia because some officer at borders and airports.

So if you want to know clearly about that just, go directly to airport and border and ask to tourists, you will got more details than what I have shared.

Jul 26, 2010 05:09 AM

អ្នក​អាន​អនាមិក

I am a Spanish and French speaking tour guide. I just want to share what I have received "lots of SAME complains" like Khmer American.

Generally my French guests don't have that kind of problem like you mentioned in this article. Coz they got their visa from France. Mostly Spanish and Latin guests come and ask visa upon arrival at Cambodia airport or border, 90 percents of my guests have asked me why the police officer in airport asked them to pay more than the visa's price (some told me one dollar more or 5 usd more).

Jul 26, 2010 05:08 AM

អ្នក​អាន​អនាមិក

niyaydUcBgkþeK. vaEt reb[benHtMagBIGatacMkYtdwknMaemøH

Jul 23, 2010 06:41 PM

អ្នក​អាន​អនាមិក

It happenned to me, to my friends and relatives, they are saying the same thing. Those corrupt officials have many methods to make us give them money, and if we don't give them, they will pretend to busy or there is something wrong with our passport and send us to other department with which they have already signal their colleague to giving us a hard time and make us wait for a long time and when they let us go they also signal to other colleagues at the gates to check us and open all of luggages mess up everything until it all damages, just to give us a lesson that we should give them whatever they are asking for. I am so fed up with those corrupt bastards with stars on their shoulders but behave worst then a group of gangsters. thanks rfa.org/khmer for letting spit out the anger in out from my heart and show the world how those khmer at the Phnom Penh Internal Airport treat their fellow khmer, thank you

Jul 22, 2010 09:55 PM

អ្នក​អាន​អនាមិក

Thanks RFA.org/khmer for bringing up the issues of Cambodian living abroad facing when they go visiting Cambodia.

Jul 22, 2010 09:52 PM

មើល​មតិ​ទាំង​អស់.

គេហទំព័រ​ទាំងមូល