អ្នក​វិភាគ​ចង់​ឲ្យ​ព្រះ​មហា​វីរក្សត្រ​ផ្សះផ្សា​ឲ្យ​លោក សម រង្ស៊ី បាន​ចូល​ស្រុក

ក្រុម​អ្នក​វិភាគ​នយោបាយ​បាន​លើក​ឡើង​ថា អវត្តមាន​មេដឹកនាំ​គណបក្ស​ប្រឆាំង​ធំ​ជាង​គេ​នៅ​កម្ពុជា សម្រាប់​ប្រកួតប្រជែង​បោះ​ឆ្នោត​នោះ វា​មិន​មែន​ជា​រឿង​ល្អ​មើល និង​មិន​ស្រប​ទៅ​តាម​គោលការណ៍​ប្រជាធិបតេយ្យ​ពេញ​លេញ​នោះ​ទេ។
ដោយ ទីន ហ្សាការីយ៉ា
2011-11-01
Share
សីហនុ២ ព្រះ​ករុណា​ព្រះ​បាទ​សម្ដេច​ព្រះ នរោត្តម សីហនុ អតីត​ព្រះមហាក្សត្រ​នៃ​ព្រះរាជាណាចក្រ​កម្ពុជា។
AFP Photo

អ្នក​វិភាគ​ស្ថានការណ៍​នយោបាយ​បាន​យល់​ឃើញ​ថា អតីត​ព្រះមហាក្សត្រ​ខ្មែរ ព្រះបាទ សម្ដេច​ព្រះ នរោត្តម សីហនុ ព្រះអង្គ​ដើរ​តួ​យ៉ាង​សំខាន់​សម្រាប់​ការ​ដោះ​ស្រាយ​ភាព​ទ័លច្រក​ផ្នែក​នយោបាយ បើ​ទោះ​បី​ជា​ព្រះអង្គ​បាន​យាង​ចូល​និវត្តន៍​ហើយ​ក្ដី ពីព្រោះ​ព្រះអង្គ​អតីត​ជា​អ្នក​ជំនាញ​ខាង​ផ្នែក​នយោបាយ និង​ផ្សះផ្សា​ជាតិ។

ក្រុម​អ្នក​វិភាគ​នយោបាយ​ឯករាជ្យ​បាន​លើក​ឡើង​ដូច្នេះ ដោយសារ​សម្ដេច​ព្រះ នរោត្តម សីហនុ ជា​បិតា​ឯករាជ្យ​ជាតិ ព្រះអង្គ​បាន​ផ្ញើ​ព្រះរាជសារ​មួយ​ច្បាប់​អញ្ជើញ​លោក សម រង្ស៊ី ប្រធាន​គណបក្ស​ប្រឆាំង កំពុង​និរទេស​ខ្លួន​នៅ​បរទេស ឲ្យ​មក​ចូល​រួម​ក្នុង​ព្រះរាជ​ពិធី​បុណ្យ​ចម្រើន​ព្រះជន្ម និង​អបអរ​សាទរ​ខួប​លើក​ទី​២០ នៃ​ការ​យាង​ចូល​មាតុ​ប្រទេស​វិញ ដែល​គេ​រៀបចំ​ធ្វើ​ឡើង​កាល​ពី​ថ្ងៃ​ទី​៣០ ខែ​តុលា ឆ្នាំ​២០១១។

អ្នក​វិភាគ​ឯករាជ្យ អ្នកស្រី ជា វណ្ណាត មាន​ប្រសាសន៍​ថា ព្រះអង្គ​បាន​អញ្ជើញ​លោក សម រង្ស៊ី ឲ្យ​មក​ចូល​រួម​ពិធី​បុណ្យ​ចម្រើន​ព្រះជន្ម​របស់​ព្រះអង្គ ដែល​មាន​ឥស្សរជន​នយោបាយ​ជាន់​ខ្ពស់​ចូល​រួម​កាល​ពី​ថ្ងៃ​ទី​៣០ តុលា នោះ គឺ​ជា​សារ​ល្អ​មួយ​ក្នុង​នាម​ព្រះអង្គ​ជា​បិតា​ឯករាជ្យ​ជាតិ។

អ្នកស្រី ជា វណ្ណាត បាន​អះអាង​ថា ព្រះអង្គ​មាន​បន្ទូល​របស់​ព្រះអង្គ​ថា កម្ពុជា​មាន​ការ​បង្រួបបង្រួម​ជាតិ និង​សន្តិភាព​នោះ គឺ​ព្រះអង្គ​ចង់​បញ្ជាក់​អំពី​ព្រះទ័យ​របស់​ព្រះអង្គ​ថា ព្រះអង្គ​ចង់​ឲ្យ​មាន​ការ​បង្រួបបង្រួម​គ្នា​នៅ​ខណៈ​ដែល​កម្ពុជា មិន​ទាន់​មាន​ការ​បង្រួបបង្រួម​របស់​អ្នក​នយោបាយ​នេះ៖ «ទី​ពីរ​លោក​មាន​បន្ទូល​ថា មាន​ការ​បង្រួបបង្រួម​ជាតិ​ល្អ​ជាង​មុន​អី គឺ​បញ្ជាក់​ពី​ព្រះទ័យ​របស់​ព្រះអង្គ​ថា ព្រះអង្គ​ចង់​ឃើញ​អ៊ីចឹង ព្រះអង្គ​ចង់​ឲ្យ​មាន​អ៊ីចឹង»

លោក សម រង្ស៊ី ប្រធាន​គណបក្ស​ប្រឆាំង បាន​ឲ្យ​ដឹង​ថា មូលហេតុ​ដែល​លោក​មិន​បាន​អញ្ជើញ​មក​ចូល​រួម​ក្នុង​ពិធី​អបអរ​សាទរ​ខួប​លើក​ទី​២០ នៃ​ការ​យាង​និវត្តន៍​របស់​ព្រះអង្គ និង​ពិធី​បុណ្យ​ចម្រើន​ព្រះជន្ម​របស់​សម្ដេច​ឪ​គម្រប់ ៨៩​យាង​ចូល ៩០​ព្រះវស្សា​នោះ ដោយសារ​តែ​លោក​បាន​ទទួល​ព្រះរាជសារ​អញ្ជើញ​នៅ​ថ្ងៃ​ទី​២៩ ខែ​តុលា នៅ​មុន​ពេល​ថ្ងៃ​ចាប់​ផ្ដើម​កម្មវិធី​មួយ​ថ្ងៃ គឺ​ថ្ងៃ​ទី​៣០ ខែ​តុលា ដូច្នេះ​លោក​មិន​អាច​មក​ទាន់​ទេ។

ទោះ​ជា​យ៉ាង​នេះ​ក្ដី លោក សម រង្ស៊ី បាន​សម្ដែង​ក្ដី​រីករាយ និង​ដឹង​គុណ​ចំពោះ​ព្រះវរបិតា​ជាតិ​ខ្មែរ ដែល​បាន​អញ្ជើញ​លោក​ឲ្យ​ចូល​រួម​ក្នុង​ព្រះរាជ​ពិធី​នេះ ហើយ​លោក​បញ្ជាក់​ថា ការ​អញ្ជើញ​លោក​របស់​ព្រះ​មហា​វីរក្សត្រ​នេះ គឺ​មាន​ន័យ​ថា ព្រះអង្គ​ចង់​ឲ្យ​មាន​ការ​បង្រួបបង្រួម និង​ផ្សះផ្សា​ជាតិ៖ «ដូច្នេះ​ខ្ញុំ​យល់​ឃើញ​ថា ព្រះអង្គ​លោក​នឹង​ផ្ដួចផ្ដើម​គំនិត លោក​នឹង​ប្រទាន​ព្រះរាជ​តម្រិះ​តាម​សេចក្ដី​ត្រូវ​ការ​នៃ​ប្រទេស​ជាតិ។ យោង​តាម​ស្ថានការណ៍​នយោបាយ​សព្វ​ថ្ងៃ ខ្ញុំ​មាន​ជំនឿ​ថា សម្ដេច​ព្រះ នរោត្ដម សីហនុ លោក​មាន​ឥទ្ធិពល និង​ប្រើ​ឥទ្ធិពល​របស់​លោក ដើម្បី​ដោះស្រាយ​រឿង​នយោបាយ​ចំពោះ​បញ្ហា​នយោបាយ​នៅ​កម្ពុជា បញ្ហា​នយោបាយ​អ្នក​នយោបាយ​ត្រូវ​ត​ទល់​គ្នា​រឿង​នយោបាយ ដើម្បី​ការពារ​ទឹក​ដី​ប្រទេស​កម្ពុជា»

លោក ផៃ សីផាន ជា​អ្នក​នាំ​ពាក្យ​នៃ​ទីស្ដីការ​គណៈរដ្ឋមន្ត្រី។ លោក​មាន​ប្រសាសន៍​ថា អតីត​ព្រះ​មហាក្សត្រ​បាន​អញ្ជើញ​លោក សម រង្ស៊ី នេះ ជា​ការ​អញ្ជើញ​ក្នុង​នាម​ព្រះអង្គ​ជា​ឪពុក​ម្នាក់ ដោយ​ព្រះអង្គ​មិន​វាយ​តម្លៃ​អំពី​បញ្ហា​អ្នក​ណា​ខុស​អ្នក​ណា​ត្រូវ​ទេ ពីព្រោះ​ព្រះអង្គ​ចង់​ឲ្យ​មាន​សាមគ្គី​ភាព៖ «ពីព្រោះ​ព្រះ​មហា​វីរក្សត្រ លោក​ដើរ​ចេញ​ពី​ការ​វិនិច្ឆ័យ លោក​គ្រាន់​តែ​គង់​ប្រថាប់​ជា​ម្លប់​សម្រាប់​កូន​ចៅ​ទាំង​អស់ ហើយ​អ្វី​ជា​ស្មារតី​របស់​ព្រះអង្គ លោក​មាន​បន្ទូល​ថា ចង់​ឲ្យ​មាន​សន្តិភាព​ជា​ធំ ដូច្នេះ​ព្រហ្មវិហារ​ធម៌​របស់​ព្រះអង្គ​មិន​អាច​យក​មក​បូក​សង​ដក​ជាមួយ​អ្វី​ដែល​ជា​កាតព្វកិច្ច​យុត្តិធម៌​ដែល​យើង​ត្រូវ​តែ​ធ្វើ​នោះ​ទេ»

ក្រុម​អ្នក​វិភាគ​នយោបាយ​បាន​លើក​ឡើង​ថា បន្ទូល​របស់​ព្រះ​មហា​វីរក្សត្រ​សម្ដេច​ព្រះ នរោត្តម សីហនុ កាល​ពី​ថ្ងៃ​ទី​៣០ ខែ​តុលា ដែល​ថា កម្ពុជា​មាន​ការ​បង្រួបបង្រួម​សន្តិភាព និង​ឯកភាព​ជាតិ​នោះ ជា​ការ​ដាក់​សម្ពាធ​ផ្នែក​នយោបាយ​មួយ​ទៅ​លើ​ឥស្សរជន​នយោបាយ​ជាន់​ខ្ពស់ ពីព្រោះ​ថា នយោបាយ​ផ្ទៃ​ក្នុង​របស់​កម្ពុជា មិន​ទាន់​មាន​ឯកភាព​គ្នា​នៅ​ឡើយ។

ក្រុម​អ្នក​វិភាគ​នយោបាយ​ឯករាជ្យ​បាន​ពន្យល់​ទៀត​ថា ទោះ​បី​ជា​អតីត​ព្រះមហាក្សត្រ នរោត្តម សីហនុ ធ្លាប់​បាន​បរាជ័យ​លើ​ការ​សម្របសម្រួល និង​ដោះស្រាយ​ភាព​ទ័លច្រក​នយោបាយ​កាល​ពី​ការ​បោះ​ឆ្នោត​ជាតិ​លើក​ទី​៣ កាល​ពី​ឆ្នាំ​២០០៣ ក៏ដោយ ប៉ុន្តែ​ព្រះរាជ​បន្ទូល​របស់​ព្រះអង្គ​នៅ​ពេល​នេះ វា​មាន​សារសំខាន់​ណាស់​សម្រាប់​ឲ្យ​កម្ពុជា មាន​ការ​បង្រួបបង្រួម​គ្នា ពិសេស​លើ​ករណី​លោក សម រង្ស៊ី ជា​ជាង​អ្នក​នយោបាយ​ខ្មែរ​រត់​ទៅ​ពឹង​បរទេស​ដាក់​សម្ពាធ​មក​រដ្ឋាភិបាល​កម្ពុជា ដូច​ជា​កាល​ពី​ពេល​ថ្មីៗ លោក សម រង្ស៊ី បាន​ទៅ​ប្ដឹង​តុលាការ​អន្តរជាតិ ប្ដឹង​លោក​នាយករដ្ឋមន្រ្តី ហ៊ុន សែន ទាក់ទង​នឹង​ការ​បោក​គ្រាប់​បែក​ឆ្នាំ​១៩៩៧ និង​ប្ដឹង​ភរិយា​របស់​លោក គឺ​អ្នកស្រី ប៊ុន រ៉ានី ហ៊ុន សែន អំពី​ករណី​ឃាតកម្ម​លើ​តារា​សិល្បៈ អ្នកស្រី ពិសិដ្ឋ ពិលីកា ជា​ដើម វា​មិន​ល្អ​នោះ​ទេ បើ​សិន​ជា​អ្នក​នយោបាយ​ខ្មែរ​មិន​បង្រួបបង្រួម​គ្នា ហើយ​ប្ដឹង​ផ្ដល់​គ្នា​ដូច្នេះ​នោះ។

អ្នក​ជំនាញ​វិទ្យាសាស្ត្រ​នយោបាយ លោក​បណ្ឌិត សុខ ទូច បាន​អធិប្បាយ​ថា ព្រះករុណា​ព្រះបាទ នរោត្តម សីហនុ បាន​អញ្ជើញ​លោក សម រង្ស៊ី ចូល​រួម​ថ្ងៃ​ចម្រើន​ព្រះជន្ម​របស់​ព្រះអង្គ​នោះ ក្នុង​នាម​លោក សម រង្ស៊ី ជា​កូន​ចៅ​របស់​ព្រះអង្គ ប៉ុន្តែ​ពុំ​មាន​ន័យ​ថា លោក សម រង្ស៊ី មិន​ប្រឈម​នឹង​ការ​ចាប់​ខ្លួន​របស់​តុលាការ​នោះ​ទេ លុះ​ត្រា​ណា​មាន​ការ​ស្នើ​សុំ​លើក​លែង​ទោស​ពី​រដ្ឋាភិបាល​ទៅ​ព្រះមហាក្សត្រ នរោត្តម សីហមុនី។

លោក សុខ ទូច បន្ត​ដូច្នេះ៖ «ព្រះមហាក្សត្រ​ព្រះអង្គ​មាន​សិទ្ធិ​លើកលែង​ទោស ឬ​មួយ​រដ្ឋាភិបាល​អ្នក​នយោបាយ ដើម្បី​ជា​រង្វាន់​លើក​ទឹក​ចិត្ត​ដល់​ថ្ងៃ​ខួប​កំណើត​ព្រះ​មហា​វីរក្សត្រ ហើយ​លើក​ទឹក​ចិត្ត​បញ្ហា​ឯកភាព​នៃ​អ្នក​នយោបាយ​នៃ​ការ​ខ្វែង​គំនិត​គ្នា​ទៅ​លើ​កិច្ចការ​ណា​មួយ ឬ​ជា​ការ​ដូរ​មួយ​សម្រាប់​អតីត​ព្រះមហាក្សត្រ វា​ជា​មធ្យោបាយ​មួយ​សម្រាប់​អ្នក​នយោបាយ​គ្មាន​អ្នក​ឈ្នះ ហើយ​និង​គ្មាន​អ្នក​ចាញ់»

លោក សម រង្ស៊ី ប្រធាន​គណបក្ស​ប្រឆាំង​ត្រូវ​បាន​តុលាការ​​​កម្ពុជា បើក​សវនាការ​ផ្តន្ទា​ទោស​លើ​សំណុំ​រឿង​ក្តី​ព្រហ្មទណ្ឌ​ជា​ច្រើន​ករណី មាន​ដូចជា​សំណុំ​រឿង​ដក​តម្រុយ​បង្គោល​ព្រំដែន​នៅ​ស្រុក​ចន្ទ្រា ខេត្ត​ស្វាយ​រៀង សំណុំ​រឿង​ក្លែងបន្លំ​ឯកសារ​ផែនទី​ព្រំដែន​កម្ពុជា-​វៀតណាម និង​បទ​ផ្សាយ​ព័ត៌មាន​មិន​ពិត​ក្នុង​រឿង​ក្ដី​ជាមួយ​លោក ហោ ណាំហុង រដ្ឋមន្ត្រី​ការបរទេស​ប្រទេស​កម្ពុជា គិត​សរុប​មក​ដល់​ពេល​នេះ​លោក សម រង្ស៊ី ត្រូវ​បាន​តុលាការ​ផ្ដន្ទា​ទោស​ឲ្យ​ជាប់​ពន្ធនាគារ​សរុប​ចំនួន ១៤​ឆ្នាំ។

សហភាព​អន្តរសភា (IPU) កាល​ពី​ថ្ងៃ​ទី​១២ តុលា បាន​ចេញ​សេចក្ដី​ថ្លែងការណ៍​បញ្ជាក់​ជា​ថ្មី​ថា លោក សម រង្ស៊ី បាន​ដក​តម្រុយ​បង្គោល​ព្រំដែន​កម្ពុជា-​វៀតណាម​នោះ ជា​កាយ​វិការ​នយោបាយ ហើយ​ករណី​នេះ​តុលាការ​មិន​គួរ​លូក​ដៃ​ក្នុង​បញ្ហា​នយោបាយ​នោះ​ទេ។ សហភាព​អន្តរសភា​បាន​អំពាវនាវ​ឲ្យ​អាជ្ញាធរ​កម្ពុជា និង​រដ្ឋ​សភា ពិនិត្យ​មើល​លើ​ការ​ផ្ដល់​អភ័យ​ឯកសិទ្ធិ​ជូន​លោក សម រង្ស៊ី ឡើង​វិញ។

ការ​និរទេស​ខ្លួន​របស់​លោក សម រង្ស៊ី ប្រធាន​គណបក្ស​ប្រឆាំង​មិន​មែន​ជា​លើក​ទី​១​នោះ​ទេ ដោយសារ​តែ​តុលាការ​បាន​កាត់​ទោស​លោក ដូច​ជា​ករណី​កាល​ពី​ឆ្នាំ​២០០៦ នៅ​មុន​ពេល​បោះ​ឆ្នោត​អាណត្តិ​ទី​៤ ឆ្នាំ​២០០៨ លោក សម រង្ស៊ី ធ្លាប់​បាន​ធ្វើ​លិខិត​សុំ​ទោស​លោក ហ៊ុន សែន ជា​ថ្នូរ​នឹង​ការ​វិល​ចូល​ស្រុក​របស់​វិញ ហើយ​លោក​បាន​ដក​ពាក្យ​បណ្ដឹង​របស់​លោក​នៅ​តុលាការ​សហរដ្ឋ​អាមេរិក ដែល​លោក​ប្ដឹង​លោក ហ៊ុន សែន ថា លោក​នាយករដ្ឋមន្ត្រី​ជា​អ្នក​បញ្ជា​លើ​ការ​បោក​គ្រាប់​បែក​នៅ​មុខ​មន្ទីរ​រដ្ឋ​សភា​កាល​ពី​ឆ្នាំ​១៩៩៧។

ទោះ​បី​ជា​យ៉ាង​ណា ក្រុម​អ្នក​វិភាគ​នយោបាយ​បាន​អះអាង​ថា ការ​គង់​នៅ​ក្នុង​ប្រទេស​របស់​ព្រះ​មហា​វីរក្សត្រ​នៅ​កម្ពុជា ជា​សញ្ញា​មួយ​ងាយ​ស្រួល​ក្នុង​ការ​សម្របសម្រួល​ឲ្យ​អ្នក​នយោបាយ​ត្រូវ​រ៉ូវ​គ្នា​វិញ ហើយ​គេ​នៅ​រង់ចាំ​មើល​ទៀត​ថា តើ​ព្រះអង្គ​អាច​ដើរ​តួ​ជា​អ្នក​សម្របសម្រួល​ឲ្យ​លោក សម រង្ស៊ី បាន​វិល​ចូល​ស្រុក​វិញ​ដែរ​ទេ​នៅ​ពេល​ខាង​មុខ ពីព្រោះ​ព្រះអង្គ​ជា​បិតា​ឯករាជ្យ​ជាតិ​នោះ៕

ព័ត៌មាន (14)

មើល​មតិ​ទាំង​អស់.

Anonymous says:
Nov 01, 2011 09:49 AM

It is too complicate, if Sam rainsy still stays out side, what would happen to the party and or election process, does it fair? And if he goes back to Srok Khmer because the King's power or by Hun Sen's regime. what would happen to his lawsuit with Hun Sen and Bun rany? Does he still
press charge or withdraw the case?. He did this once in the past and if he does it again who will believe him in the future?. I want him to go back to Cambodia but I also want him to continue sueing so justice can be prevailed.

Anonymous says:
Nov 01, 2011 06:27 PM

Dear All, it is very sad to see our belove country fighting in our own nation. It should be very one stand up for our border and nations who were killed almost everyday by Thai along the border. United together to create more job for the poor people and increase salary for soldier, teacher, and all government employees. Politic is stil a politics but all of must stand in the human manner, do not try to kill our own nations. We got enough problem so please don't walk into the mistake again. Forget everything and reunits into our nations.
Hope this message get into your consideratin and may god of powerful buddah look after you and your family and the nations. Love you all, Kosaria

Anonymous says:
Nov 02, 2011 10:58 AM

ជាក្រុមពពួកសត្វមេអំបៅដែលកំណើតខ្លួនពីសត្វដង្កូវ។

Anonymous says:
Nov 01, 2011 06:56 AM

The King is walking on a tight rope!

Anonymous says:
Nov 02, 2011 01:14 PM

ឧត្តមសម រង្សី និងវិលមកវិញដោយសារតែការលើកលែងពីព្រះមហាក្សត្រ មិនលើសពី៦ខែទេ ចាំមើល។

Anonymous says:
Nov 01, 2011 12:46 AM

It is hiding the eyes of Cambodian people.

Anonymous says:
Nov 01, 2011 12:58 AM

why we can not sit down and talk together

Anonymous says:
Nov 01, 2011 02:24 AM

ធ្លាប់ជាអ្នលក្រក្រីដែល គួរតែយល់ពីភាពលំបាករបស់អ្នកដ៏ទៃ ដែលថ្លប់ឆ្លងកាត់ បែទៅជាមានបាន បំភ្លេចភាពក្រីក្រដែលខ្លួនជួប ដួចពាក្យចាស់ថាមិនខុស (បានមានភ្លេចក្រ)អានណាក្រៗទៅគឺមិនម៉េនឪអាញ់ទេ។

Anonymous says:
Nov 01, 2011 12:36 AM

It's a good move of the King Father for our Nation-He may be able to help more: 1-Tell the King Son to exercise more his power to the justice system because he oversee the Suppreme court. The king needs to get of the House and see the people around the country especially along the EAST Border and Kampuchea Krom. It would be nice if Samdaarch Shihanouk will go (or via video) testifying at KRT and be nominated by his Son to head Border Committee again, and last but not least (before Going to HEAVEN ?)-Support the Human Right and Democracy and SUPPORT PeahAng Luon SAVNANG and restore the Buddhism in Srok Yoeung.

Anonymous says:
Nov 02, 2011 04:05 AM

កូនចៅកំព្រារងាណាស់ សូមឪមេត្តាកូនពៅផង គឺរស់នៅ វិនាសក្លោចផ្សា​ ដោយសារកូនបង មានបានលេងគឹត ភ្លេចប្អូន ភ្លេចបង ភ្លេចស្រែតែម្តង ភ្លេចឆ្កែដែលធ្លាប់បាយជាមួយ ឪអើយកូនៗព្រួយ ដល់ថ្ងៃណាមួយ កូនក្មួយរលាយអស់ដែនដី។ បើថាអោយបង បងបែជាថាកំចេះ ព្រោះអាញជាអ្នករកបាន អាញ់ឲប៉ុណ្ណាគឺបានប៉ុន្នឹង៕ ឪអើយវិលវិញកូនសប្បាយណាស់ កុំចោលកូនៗទៀត បងគៀបកូនៗណាស់ ឥឡូវបងប្រែប្តូរផ្លាស់ ប្អូនៗរាត់ប្រាស់ខ្លាចបងធ្វើបាប។

Anonymous says:
Nov 07, 2011 09:51 PM

ថាពូជតាត្រសក់ផ្អែមវាសោយរាជ្យច្រើនជំនាន់ភ្លេចកំណើតខ្លួនដែលជាពូជអ្នកចំការ​ចុះពួកហ៊ុនសែនមិនបានមួយជំនាន់ក៏ភ្លេចអ្នកក្រស្រាបន្តូលពេជលីសែងផែកាណូតទៅហើយ!!!

Anonymous says:
Oct 31, 2011 08:26 PM

ដល់ពេលរកគ្នាបង្គ្រប់ជើងលេងប៊ៀបួនសន្លឹកហើយ

Anonymous says:
Nov 01, 2011 10:11 PM

Wachtout thou old trick,I'm glad that
HE.Sam Rainsy could't attended king birthday.I remember all the past of his old strick.

Anonymous says:
Nov 17, 2011 02:26 AM

សមេ្តចតាលេងក្បាច់អុកអីចេះ! អពើ្ជាញអ្នកនៅឯនាយសមុទ្រមកចូលរួមពិធី​ចំរើនព្រះជន្មដោយជូនដំណឹងមុនមួយថ្ងៃ។ម្យ៉ាងទៀត ទំនៀមទំលាប់មនុស្ស ធម្មតា គេកំររធ្វើអីចឹងណាស់ហើយអ្នកដែលត្រូវគេហៅចូលរួមនឹងមិនចូលរួម រឺបើគេទៅបា្រកដជារអូ៏មិនខាន។​​ មើលមួយភេ្លតគិតថាគាត់នៅមានថាម​ពលនយោបាយ មើលហើយគិតយូរកូនធម៍គាត់យកទុកអស់ទៅហើយ គ្មានសល់សំរាប់ព្រះអង្គកំពុងគង់លើបលង្គ័ទៀតផងមើល។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល